News Flash

नागपूर सामूहिक हत्याकांड: क्रूरकर्मा विवेक पालटकरला पंजाबमधून अटक

नागपूरमध्ये ११ जूनला विवेक पालटकरने स्वत:च्या मुलासह बहीण, मेव्हणा, सासू, भाची अशा पाच जणांची निर्घृण हत्या केली होती. गेले तीन दिवस गुन्हे शाखेचे एक पथक

आरोपी विवेक पालटकर

नागपूरमध्ये कमलेश पवनकर कुटुंबाची हत्या करणारा क्रूरकर्मा विवेक पालटकर याला अखेर गुन्हे शाखेने गुरुवारी अटक केली आहे. विवेकला पंजाबमधील लुधियाना येथून अटक करण्यात आली असून पोलिसांचे पथक विवेकला अटक करुन नागपूरच्या दिशेने रवाना झाले आहे.

नागपूरमध्ये ११ जूनला विवेक पालटकरने स्वत:च्या मुलासह बहीण, मेव्हणा, सासू, भाची अशा पाच जणांची निर्घृण हत्या केली होती. कमलाकर मोतीराम पवनकर (५३), अर्चना कमलाकर पवनकर (४५), वेदांती कमलाकर पवनकर (१२), मीराबाई मोतीराम पवनकर (७५) आणि कृष्णा विवेक पालटकर (५) अशी या मृतांची नावे होती. खरबी रोड येथील आराधनानगर येथे ही घटना घडली होती. कमलाकर पवनकर हे भाजपाचे कार्यकर्ते होते. हत्येनंतर आरोपी विवेक पालटकर पसार झाला होता.

गुरुवारी नागपूर पोलिसांच्या गुन्हे शाखेने विवेकला पंजाबमधील लुधियाना येथून अटक केली. विवेक हा लुधियानातील झोपडपट्टी परिसरात लपून बसला होता. गेले तीन दिवस गुन्हे शाखेचे एक पथक लुधियानात विवेकचा शोध घेत होते. अखेर पोलिसांना विवेकला अटक करण्यात यश आले आहे.

हत्येचे गूढ अखेर उकलणार

सुरुवातीला हे हत्याकांड पैशाच्या वादातून घडल्याचा संशय होता. हत्येच्या तीन दिवसांनी पोलीस विवेक राहत असलेल्या घरात पोहोचले होते. विवेकच्या घरातून जादूटोण्याचे साहित्य सापडले होते. त्यामुळे जादूटोण्यातून ही हत्या झाल्याचा संशय देखील व्यक्त होत होता. आता विवेकला अटक झाल्याने त्याने पाच जणांची हत्या का केली, याचे गूढ उकलणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 21, 2018 11:50 pm

Web Title: nagpur kamlakar pohankar family murder case accused vivek palatkar arrested from punjab
Next Stories
1 पत्नीच्या मृतदेहासोबत आठ तास चालवत होता गाडी, मुंबईतील धक्कादायक घटना
2 मुंबई : पुढचे काही तास वादळी पावसाचे असण्याची शक्यता
3 वीज कोसळून उस्मानाबादमध्ये दोन शेतमजूर महिलांचा मृत्यू
Just Now!
X