आपला भारत हा महान परंपरा आणि इतिहास असलेला देश आहे. याच अनुषंगाने पुरातत्त्व व वस्तुसंग्रहालय संचलनालय यांच्या सहकार्याने होरायझन्स सेंटर फॉर कल्चरल स्टडीज या गेली १२ वर्षे कार्यरत असलेल्या अस्थापनाने आपली संस्कृती, आपला वारसा यासंदर्भातला सहा महिने कालावधीच प्रमाणपत्र अभ्यासक्रम सुरु केला आहे. आपली संस्कृती, इतिहास याविषयीची सखोल माहिती करुन देणारा 'प्राचीन भारतीय संस्कृतीबंध' हा सहा महिने कालावधीचा प्रमाणपत्र अभ्यासक्रम ३ नोव्हेंबरपासून सुरु होतो आहे. या अभ्यासक्रमात प्रागैतिहासिक इतिहास, धर्म, तत्त्वज्ञान, भाषा, किल्ले, मंदिरं या विषयांचा या अभ्यासक्रमात समावेश आहे. दर शनिवारी पाच ते आठ या वेळेत पुरातत्त्व वस्तुसंग्रहालयाचे कार्यालय, सेंट जॉर्ज रुग्णालयाचे आवार, छत्रपती शिवाजी टर्मिनस या ठिकाणी हे वर्ग सुरु राहतील. या अभ्यासक्रमासाठी शिक्षणाची अट नाही. केवळ विषयाची आवड असणं आवश्यक आहे. हा अभ्यासक्रम पूर्ण करायचा असेल तर डॉ. मिलिंद पराडकर यांच्याशी ९६१९००६३४७, ८१६९४४८७५७ या क्रमांकावर संपर्क साधावा.
