22 January 2021

News Flash

शिक्षकांच्या संपाला उत्स्फूर्त प्रतिसाद

माध्यमिक व उच्च माध्यमिक शाळांतील मुख्याध्यापक, शिक्षक व शिक्षकेतर कर्मचाऱ्यांनी मंगळवारी पुकारलेल्या लाक्षणिक संपाला जिल्हय़ात चांगला प्रतिसाद मिळाल्याचा दावा जिल्हा समन्वय समितीने केला. बहुतांशी शाळा

| January 14, 2015 03:00 am

माध्यमिक व उच्च माध्यमिक शाळांतील मुख्याध्यापक, शिक्षक व शिक्षकेतर कर्मचाऱ्यांनी मंगळवारी पुकारलेल्या लाक्षणिक संपाला जिल्हय़ात चांगला प्रतिसाद मिळाल्याचा दावा जिल्हा समन्वय समितीने केला. बहुतांशी शाळा बंद असल्याने विद्यार्थ्यांनी सुटीचा आनंद घेतला. जिल्हय़ात एकूण ९१३ शाळा आहेत.
समन्वय समितीने आज जिल्हाधिकारी कार्यालयासमोर धरणे धरली व जोरदार घोषणाही दिल्या. मुख्याध्यापक संघाचे अध्यक्ष सुनील पंडित, सचिव शांताराम डोंगरे, शिक्षक संघाचे अध्यक्ष एम. एस. लगड, सचिव अप्पासाहेब शिंदे, शिक्षकेतर सेवक संघाचे अध्यक्ष भागाजी नवले, सचिव भानुदास दळवी, शिक्षक परिषदेचे बाबासाहेब बोडखे, सचिव विठ्ठल ढगे, प्रयोगशाळा कर्मचारी महासंघाचे सचिव आर. बी. कुलकर्णी, कला शिक्षक संघाचे अशोक डोळसे आदींनी आंदोलनाचे नेतृत्व केले. निवासी उपजिल्हाधिकाऱ्यांना मागण्यांचे निवेदन देण्यात आले.
चिपळूणकर समितीप्रमाणे शिक्षकेतर कर्मचाऱ्यांची पदे मंजूर करावी, शाळांचे अनुदान पूर्वलक्ष्यी प्रभावाने सहाव्या वेतन आयोगानुसार थकबाकीसह मंजूर करावे, विनाअनुदान धोरण कायमस्वरूपी रद्द करावे, तुकडय़ांचा सुधारित आदेश रद्द करून तुकडय़ांना पूर्वीप्रमाणेच मान्यता द्यावी, आरटीई कायद्याप्रमाणे शिक्षकांच्या वाढीव पदांना मंजुरी द्यावी व कला शिक्षकांवरील अन्याय दूर करावा आदी मागण्या आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 14, 2015 3:00 am

Web Title: spontaneous response to teachers strike
टॅग Teachers Strike
Next Stories
1 ‘विभक्त कुटुंब पद्धतीमुळे समाजात समस्या वाढल्या’
2 आज परभणीत ‘वाटा कवितेच्या’
3 खाकी वर्दीच्या संवेदनशून्यतेने मृताच्या कुटुंबीयांना मनस्ताप!
Just Now!
X