सावंतवाडीच्या राजघराण्याला मुख्यमंत्र्यांची भेट

राज्याचे मुख्यमंत्री ना. पृथ्वीराज चव्हाण यांनी सावंतवाडी राजघराण्यातील कुटुंबीयांची भेट घेतली. त्यांनी सिंधुदुर्ग नगरीतून ई-ऑफिस कार्यप्रणाली शुभारंभ केल्यानंतर सावंतवाडीत येऊन भेट घेतली. सावंतवाडी राजवाडय़ात राजमाता सत्त्वशीलादेवी भोसले यांच्याशी कौटुंबिक चर्चा केली. त्यांचे खेम सावंत भोसले व शुभदादेवी भोसले यांनी स्वागत केले. सावंतवाडी संस्थानच्या राजघराण्याशी ना. पृथ्वीराज चव्हाण यांचे कौटुंबिक स्नेहसंबंध असल्याने ही भेट होती असे त्यांनी सांगितले. या वेळी पंचम खेमराज महाविद्यालय, सेमी इंग्रजीच्या मान्यतेबाबत संस्थाचालकांनी चर्चा केली. श्री पंचम खेमराज महाविद्यालयात कायदा महाविद्यालय सुरू करण्यात येणार आहे. त्याच्या उद्घाटनास मुख्यमंत्र्यांनी उपस्थित राहावे, असे निमंत्रण देण्यात आले. या वेळी संस्था सचिव प्रा. एम. डी. देसाई, पी. एफ. डॉन्टस, प्राचार्य डॉ. दिलीप भारमल व मान्यवर उपस्थित होते.