तीन मिनिटांत सगळे ब्राह्मण संपवतो, देवेंद्र फडणवीसांना ठार करतो म्हणत धमकी देणारा किंचक नवले याला अटक करण्यात आली आहे. सातारा पोलिसांनी किंचक नवलेला अटक केली आहे. त्याला ७ मार्च पर्यंत पोलीस कोठडी सुनावण्यात आली आहे. देवेंद्र फडणवीसांना जीवे मारण्याची धमकी देणाऱ्या आणि ब्राह्मणांना तीन मिनिटांत संपवतो म्हणणारा हा किंचक नवले आहे. पोलिसांनी त्याला अटक केली आहे. त्याचा व्हिडीओ सोशल मीडियावर व्हायरल झाला आहे. काय केलं होतं किंचक नवलेने? उपमुख्यमंत्री देवेंद्र फडणवीस यांच्याबाबत अत्यंत खालच्या भाषेत आणि प्रक्षोभक भाषेत किंचक नवलेने टीका केली. प्रक्षोभक भाषेत वक्तव्य करतानाचा किंचक नवलेचा व्हिडीओ सोशल मीडियावर व्हायरल झाला होता. याच प्रकरणात किंचक नवलेला अटक करण्यात आली आहे. हे पण वाचा- अजित पवारांच्या भाषणातली ‘ती’ चूक देवेंद्र फडणवीसांनी सुधारली.. छत्रपती संभाजी महाराजांबद्दल नेमकं काय म्हणाले? व्हिडीओ व्हायरल झाल्यानंतर किंचक नवलेचा शोध घेण्यात येत होता. तो वेशांतर करुन वेगवेगळ्या ठिकाणी फिरत होता. आता सातारा गुन्हे शाखेच्या मदतीने मुंबईतल्या सांताक्रूझ पोलिसांनी शनिवारी त्याला सातारा येथील बाजार या ठिकाणाहून अटक केली. याआधी योगेश सावंत यालाही अटक करण्यात आली आहे. आता पोलीस या त्याचा तपास करत आहेत.
