scorecardresearch

Premium

धनगर आरक्षणप्रश्न संसदेत मांडू – सुप्रिया सुळे

राष्ट्रवादी काँग्रेसच्या खासदार सुप्रिया सुळे यांनी संसदेच्या विशेष अधिवेशनात ‘इंडिया आघाडी’च्या वतीने आपण धनगर आरक्षणप्रश्नी आवाज उठवणार असल्याचे सांगितले.

supriya sule dhangar community
धनगर आरक्षणप्रश्न संसदेत मांडू – सुप्रिया सुळे

नगर : धनगर आरक्षणप्रश्री चोंडी (ता. जामखेड) येथे चालू असलेल्या आंदोलनाकडे निर्दयी सरकार दुर्लक्ष करत असल्याचेच दिसते, असे सांगत राष्ट्रवादी काँग्रेसच्या खासदार सुप्रिया सुळे यांनी संसदेच्या विशेष अधिवेशनात ‘इंडिया आघाडी’च्या वतीने आपण धनगर आरक्षणप्रश्नी आवाज उठवणार असल्याचे सांगितले.

खासदार सुप्रिया सुळे यांनी चोंडीत येऊन धनगर आरक्षणप्रश्री उपोषणास बसलेल्या आंदोलकांची भेट घेऊन एक तास चर्चा केली. आमदार रोहित पवार या वेळी उपस्थित होते. महाविकास आघाडीच्या मुंबईतील बैठकीत धनगर आरक्षणाचा विषय चर्चेत घेण्याबाबत खा. सुळे यांनी महाविकास आघाडीचे नेते राजेश टोपे यांच्याशी दूरध्वनीवर चर्चा केली, तर आमदार रोहित पवार यांनी जिल्हाधिकारी सिद्धाराम सालीमठ यांच्याशी दूरध्वनीवर संपर्क करून, आंदोलकांची प्रकृती खालावल्याने, शासनाने या आंदोलनाची दखल घेण्याबाबत कळवावे, असे सांगितले.

Sharad pawar challeng to Pm modi on ajit pawar
‘राष्ट्रवादीने सिंचन, बँक घोटाळा केला ना? मग चौकशी करा’, मोदींना आव्हान देताना अजित पवारांची कोंडी
Vijay Wadettiwar talk on new symbol ncp
राष्ट्रवादीच्या नव्या चिन्हावर वडेट्टीवार म्हणाले, “तुतारी वाजवायला ‘हात’… ”
Supriya Sule Reaction Election Commission result
“अदृश्य शक्तीचा विजय…”, राष्ट्रवादी पक्ष अजित पवारांकडे जाताच सुप्रिया सुळेंची पहिली प्रतिक्रिया
sharmistha mukherje and Rahul Gandhi
“काँग्रेसने नेतृत्वाबाबत गांधी घराण्याच्या बाहेर…”, माजी राष्ट्रपती प्रणव मुखर्जींच्या कन्या शर्मिष्ठा मुखर्जींचं परखड मत

हेही वाचा >>> महिनाभरात इंडिया आघाडीत जागांचे वाटप; शरद पवार – उद्धव ठाकरे यांच्यात चर्चा

या वेळी धनगर आरक्षणप्रश्री खा. सुळे यांनी मुख्यमंत्री एकनाथ शिंदे यांना पत्र पाठवण्याबरोबरच ट्वीट करून लक्ष वेधणार असल्याचे सांगितले. सहा दिवसांपासून उपोषण सुरू असतानाही पालकमंत्री किंवा अन्य कोणीही मंत्री आंदोलकांकडे फिरकला नसल्याबाबत खा. सुळे यांनी आश्चर्य व्यक्त करत, याबाबत जाब विचारला जाणार असल्याचे सांगितले.

हेही वाचा >>> पोटदुखीवाल्यांसाठी आता ‘डॉक्टर आपल्या दारी’ उपक्रम; पाचोऱ्यात मुख्यमंत्री शिंदे यांचा उद्धव ठाकरेंवर निशाणा

भाजपने भूमिका स्पष्ट करावी

भाजप सरकार राज्यात एक आणि केंद्रात वेगळीच भूमिका घेताना दिसत आहे. संसदेत धनगर आरक्षणाचा प्रश्र मांडला, तर भाजपचेच खासदार आरक्षण देण्यास विरोध करतात. त्यामुळे धनगर आरक्षणप्रश्री भाजपने भूमिका स्पष्ट करावी, असेही आवाहन खा. सुळे यांनी केले.

पाच युवकांचे मुंडण

धनगर आरक्षणप्रश्री चोंडीत सुरू असलेल्या आंदोलनाकडे सरकार दुर्लक्ष करत असल्याच्या निषेधार्थ पाच युवकांनी आज, मंगळवारी उपोषणाच्या सातव्या दिवशी मुंडण आंदोलन केले. अद्याप कोणताही सरकारमधील कोणताही मंत्री वा उच्चपदस्थ अधिकारी या आंदोलनाकडे फिरकला नाही. दरम्यान, उपोषणकर्ते अण्णासाहेब रूपनवर आणि सुरेश बंडगर यांची प्रकृती खालावल्याने चिंता व्यक्त केली जात असतानाच, सरकार दखल घेत नसल्याने, धनगर समाजात तीव्र संताप व्यक्त केला जात असल्याचे यशवंत सेनेचे प्रदेशाध्यक्ष माणिकराव दांगडे यांनी सांगितले.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Dhangar reservation issue will be raised in parliament supriya sule ysh

First published on: 13-09-2023 at 04:08 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×