आळंदीमधल्या दत्त मंदिर रोडवर बांधकाम सुरू असलेल्या इमारतीवरून पडलेल्या मजुराचा उपचारादरम्यान मृत्यू झालाय. आज सकाळी 9:3० च्या सुमारास ददन सुबिदार शर्मा हा मजूर या इमारतीवरून पाय घसरून खाली पडला. त्याला जखमी अवस्थेत उपचारासाठी वायसीएम रुग्णालयात दाखल केले होते. मात्र उपचारादरम्यान त्याचा मृत्यू झाला. आळंदी पोलिसांनी ही माहिती दिली आहे.या प्रकरणी संबंधितांवर कारवाई करण्यात येणार आहे.
