बॉलिवूड अभिनेत्री सान्या मल्होत्रा कायमच आपल्या अभिनयशैलीमुळे प्रेक्षकांची मन जिंकत असते. बॉलिवूडमध्ये पदार्पण करुन अवघा काही काळ लोटल्यानंतरच 'पटाखा' आणि 'बधाई हो' असे लोकप्रिय चित्रपट तिच्या पदरात पडले. इतकंच नाही तर या चित्रपटांमधील तिची भूमिका प्रेक्षकांच्या पसंतीतही उतरली. त्यामुळेच चाहते तिच्या आगामी प्रोजेक्टची प्रकर्षाने वाटत पाहत असल्याचं दिसून आलं. त्यातच आता तिच्या चाहत्यांसाठी एक आनंदाची बातमी आहे. सान्या लवकरच प्रसिद्ध गणितज्ञ शकुंतला देवींच्या बायोपिकमध्ये झळकणार आहे. 'सान्या या चित्रपटामध्ये शकुंतला देवी यांच्या मुलीची भूमिका साकारणार असून विद्या बालन शकुंतला देवींची व्यक्तीरेखा साकारणार आहे. सान्याने काही दिवसांपूर्वी सोशल मीडियाच्या माध्यमातून ही माहिती दिली. 'मी शकुंतला देवी यांची मुलगी अनुपमा बॅनर्जी यांची भूमिका साकारणार असल्यामुळे मी प्रचंड आनंदी आणि तितकीच शुटींगसाठी उत्साहित आहे', असं कॅप्शन देत सान्याने एक व्हिडीओ शेअर केला. View this post on Instagram Excitement quotient is max! Time to trace the co-ordinates of Shakuntala Devi's daughter, Anupama Banerji's journey. #ShakuntalaDevi #Summer2020 @balanvidya @directormenon @sonypicsprodns @ivikramix @sneharajani_ @abundantiaent A post shared by Sanya Malhotra (@sanyamalhotra_) on Sep 22, 2019 at 1:36am PDT 'प्रसिद्ध गणितज्ञ शकुंतला देवी यांच्याविषयी साऱ्यांनाच माहित आहे. या आई-लेकीची जोडी स्क्रीनवर साकारण्यासाठी आणि विद्या बालन यांच्यासोबत काम करण्यासाठी मी प्रचंड उत्सुक आहे', असंही सान्या म्हणाली. शकुंतला देवी यांच्या जीवनावर आधारित या चित्रपटाचं दिग्दर्शन अनु मेनन करत असून या चित्रपटामध्ये विद्या बालन शकुंतला देवी यांची व्यक्तीरेखा साकारणार आहे. त्यातच काही दिवसापूर्वी या चित्रपटातील विद्याचं पहिलं पोस्टर प्रदर्शित झालं होतं. हे पोस्टर चित्रपट व्यापार विश्लेषक तरण आदर्श यांनी ट्विटरच्या माध्यमातून ते सोशल मीडियावर शेअर केलं होतं.