मुंबईत १९९३ मध्ये झालेल्या साखळी बॉम्बस्फोटाचा सूत्रधार आणि २६/११ च्या दहशतवादी हल्ल्याचा सूत्रधार डॉन दाऊद इब्राहिम पुन्हा एकदा चर्चेत आला आहे. दाऊद इब्राहिमला कराचीमध्ये विषबाधा झाल्याची बातमी समोर आल्याने एकच खळबळ माजली. तो रुग्णालयात असून त्याच्यावर उपचार सुरू आहेत असंही सांगितलं जात होतं, परंतु या वृत्ताला अद्याप अधिकृत दुजोरा मिळालेला नाही. शिवाय आता या सगळ्या अफवा असून दाऊद एकदाम ठणठणीत असल्याचंही सांगितलं जात आहे.

यामुळे दाऊदबद्दल सर्वत्रच चर्चा होताना दिसत आहे. गुन्हेगारी विश्वाप्रमाणेच क्रिकेट आणि मनोरंजन क्षेत्रातही दाऊदचा एकेकाळी चांगलाच दबदबा होता. खासकरून बॉलिवूडवर त्याची चांगलीच पकड होती. कित्येक निर्मात्यांना संरक्षण देणं अन् त्याच्या नावाखाली खंडणी वसूल करणं, कित्येक अभिनेते आणि अभिनेत्री यांना धमकावणं याबरोबरच चित्रपटासाठी आर्थिक सहाय्य करणं अशा वेगवेगळ्या मार्गांनी दाऊद बॉलिवूडवर राज्य करायचा. खासकरून ९० च्या दशकात बॉलिवूडमधील मंडळी आणि दाऊद यांचे संबंध उघडकीस आले होते.

Kangana Ranuat
कंगना रणौत यांच्या कानशिलात लगावणाऱ्या कॉन्स्टेबलच्या भावाची प्रतिक्रिया; म्हणाले, “माझी बहीण…”
After Sanjay Raut allegation interest in Nagpur Lok Sabha election results
संजय राऊत यांच्या आरोपानंतर नागपूरच्या निकालाची उत्सुकता
pune porsche car accident
पुणे पोर्श कार अपघात प्रकरण : अंजली दमानियांनी अजित पवारांना विचारले पाच प्रश्न; म्हणाल्या “शुल्लक गोष्टींवर…”
AAP MP Swati Maliwal and YouTuber Dhruv Rathee
ध्रुव राठी आणि ‘आप’वर स्वाती मालिवाल यांचा मोठा आरोप; म्हणाल्या, “बलात्कार आणि जीवे मारण्याची..”
MP Swati Maliwal
मारहाणीच्या घटनेनंतर खासदारकीचा राजीनामा देणार का? स्वाती मालीवाल म्हणाल्या, “मी…”
swati maliwal
“तू बसनेच का गेलीस असं निर्भयालाही विचारलं होतं”, स्वाती मालिवाल यांनी सांगितला Victim Shaming चा धक्कादायक प्रकार
Arvind Kejriwal,
स्वाती मालिवाल मारहाण प्रकरणी अरविंद केजरीवालांच्या आई-वडिलांची चौकशी होणार? दिल्ली पोलीस म्हणाले…
sonali tanpure post
“पोर्श कार अपघातानंतर ‘त्या’ गोष्टी पुन्हा आठवल्या”; आमदार प्राजक्त तनपुरेंच्या पत्नीची पोस्ट चर्चेत!

दिवंगत ज्येष्ठ अभिनेते ऋषी कपूर तर यांनी दाऊदला दुबईत भेटल्याचा किस्सादेखील सांगितला होता. यावरून तेव्हा ऋषी कपूर यांना लोकांनी प्रचंड ट्रोलदेखील केलं होतं. आपल्या आत्मचरित्रात ऋषी कपूर यांनी दाऊदच्या भेटीबद्दल खुलासा केला आहे. ऋषी कपूर यांना त्यावेळी शूटिंग करतेवेळी दाऊदने आपल्या घरी चहासाठी बोलावलं होतं इतकंच नव्हे तर दाऊदने त्यांना मदतही देऊ केली होती. त्याबद्दल ऋषी कपूर म्हणतात, “त्याने तेव्हा मला चहापानासाठी बोलावलं होतं, अन् मलादेखील त्यात काहीच गैर वाटलं नव्हतं कारण तो एक फरारी आहे, त्याने कोणालाही इजा पोहोचवली नाही.”

आणखी वाचा : फोटो काढण्यासाठी चाहत्याने मलायका अरोराच्या कंबरेवर हात ठेवला अन्…, अभिनेत्रीच्या बॉडीगार्डची ‘अशी’ होती प्रतिक्रिया

तेव्हा ऋषी कपूर हे ‘डी-डे’ या चित्रपटात दाऊदची भूमिका साकारत होते. ते पात्र जरी काल्पनिक असलं तरी त्याचा संबंध थेट दाऊदशी जोडला जात होता. पुढे ऋषी कपूर म्हणाले, “त्यावेळी तो मला म्हणाला तुम्हाला आणखी कसली किंवा पैशांची गरज असेल तर अगदी मोकळेपणाने मला सांगा.” ऋषी यांनी मात्र दाऊदची मदत घेण्यास नकार दिला.

इतकंच नव्हे तर राज कपूर यांचे निधन झाले तेव्हा त्यांच्या अंत्ययात्रेच्या वेळीसही दाऊदने त्यांच्याकडचा एक माणूस मदतीसाठी पाठवला असल्याचंही ऋषी कपूर यांनी सांगितलं होतं. ऋषी कपूर यांनी हा खुलासा केल्याने तेव्हा चांगलंच वातावरण तापलं होतं, लोकांनी तेव्हा ऋषी कपूर यांच्यावर चांगलीच टीकाही केली होती.