सोशल मीडियावर कधी कोण प्रसिद्ध होईल काही सांगता येत नाही. आता हेच पाहा ना. गेल्या काही दिवसांपासून मल्याळम अभिनेत्री प्रिया प्रकाश वारियनरचीच चर्चा आहे. अगदी काल- परवापर्यंत ही प्रिया वारियनर कोण असा जर तुम्हाला प्रश्न विचारला असतं तर तुम्हालाही त्याचं उत्तर देता आलं नसतं. पण आता ती कोण आहे हे संपूर्ण भारताला माहित आहे. 'व्हॅलेंटाइन डे'च्या निमित्ताने तिच्या सिनेमातील एक व्हिडिओ कमालीचा व्हायरल होत आहे. या व्हिडिओमध्ये ती डोळ्यांच्या हावभावातून आपलं प्रेम सांगताना दिसत आहे. हा व्हिडिओ 'उरू अदार लव्ह' या आगामी सिनेमातील ‘Manikya Malaraya Poovi’ गाण्यातील आहे. गाण्यातील एका दृश्यात प्रिया तिच्या शाळकरी प्रियकराला डोळ्यांच्या हावभावातून तिच्या प्रेमाच्या भावना व्यक्त करत आहे. 'व्हॅलेंटाइन डे'ला काही दिवसच उरले असताना या दिनानिमित्त हा व्हिडिओ सोशल मीडियावर व्हायरल होत आहे. 'उरू अदार लव्ह' हा प्रियाचा पहिलाच सिनेमा आहे. येत्या ३ मार्चला हा सिनेमा प्रदर्शित होणार आहे. This video has taken the social media by storm.. Couldn stop myself from sharing this one.. Lovely..#Valentinesweek #PromiseDay #ValentinesDay #Love pic.twitter.com/wogFtFH5HX Souvik Paul(@iamsouvikpaul) February 11, 2018 प्रिया केरळमधील त्रिशूर येथे राहते. तिला नृत्याची आणि फिरण्याची आवड आहे. सध्या ती वाणिज्य शाखेच्या पहिल्या वर्षाला आहे.प्रियाचा हा पहिलाच सिनेमा आहे. या सिनेमात तिने एका शआळकरी मुलीची व्यक्तिरेखा साकारली आहे. सिनेमात शाळेतील पहिल्या वहिल्या प्रेमाची कथा सांगण्यात आली आहे. प्रियाचा हा व्हिडिओ थोड्याच वेळात इतका व्हायरल झाला की तो टॉप ट्रेंडिंगमध्येही आला. एका रात्रीत स्टार होणं काय असतं हे आज प्रिया अनुभवत असेल यात काही शंका नाही. Manikya Malaraya Poovi या गाण्याला आतापर्यंत ४,३७७,६४४ व्ह्यूज मिळाले आहेत. या व्हिडिओचे अनेक मिम्सही तयार झाले आहेत.