Premium

Video : नव्या घरापाठोपाठ प्रार्थना बेहेरेने मुंबईत घेतलं नवीन ऑफिस, नवऱ्यासह जोडीने केली पूजा, पाहा व्हिडीओ

Video : प्रार्थना बेहेरेने मुंबईत खरेदी केलं नवीन ऑफिस, नेटकऱ्यांकडून होतोय कौतुकाचा वर्षाव

prarthana behere bought new office
प्रार्थना बेहेरेने खरेदी केलं नवीन ऑफिस

मराठी चित्रपट व मालिका विश्वातील आघाडीची अभिनेत्री म्हणून प्रार्थना बेहेरेला ओळखलं जातं. काही दिवसांपूर्वीच प्रार्थनाने मुंबईपासून दूर अलिबागला निसर्गरम्य ठिकाणी तिचं नवीन घर खरेदी केलं होतं. या घराची संपूर्ण झलक तिने तिच्या युट्यूब चॅनेलवर दाखवली होती. नवीन घर खरेदी केल्यावर आता प्रार्थनाने तिच्या चाहत्यांना आणखी एक आनंदाची बातमी दिली आहे.

या बातमीसह सर्व प्रीमियम कंटेंट वाचण्यासाठी साइन-इन करा

प्रार्थनाने तिच्या नवऱ्याच्या साथीने मुंबईतील अंधेरी परिसरात नवीन ऑफिस घेतलं आहे. प्रार्थना-अभिषेकने आज जोडीने त्यांच्या नवीन ऑफिसची पूजा केली. पारंपरिक पद्धतीने पूजा करुन अभिनेत्रीने नवऱ्याच्या साथीने तिच्या नव्या ऑफिसमध्ये प्रवेश केला.

हेही वाचा : “बिग बॉसच्या घरातील प्रेम बाहेर येईपर्यंत…”, अमृता देशमुख-प्रसाद जवादेसाठी मराठी अभिनेत्रीची पोस्ट, म्हणाल्या…

प्रार्थनाच्या नव्या ऑफिसचं नाव ‘रेड बुल स्टुडिओ’ असं आहे. तिचा नवरा अभिषेक जावकर दिग्दर्शक-निर्माता असल्याने भविष्यात सिनेसृष्टीतील अनेक प्रोजेक्टवर काम करण्यासाठी दोघांनाही या नव्या ऑफिसची मदत होणार आहे. प्रार्थनाने शेअर केलेला नव्या ऑफिसचा व्हिडीओ सध्या सोशल मीडियावर प्रचंड व्हायरल होत आहे. या व्हिडीओला तिने “फक्त कृतज्ञता…” असं कॅप्शन दिलं आहे.

हेही वाचा : वयात अंतर, घरच्यांचा विरोध अन्…; ‘अशी’ आहे स्नेहल आणि प्रवीण तरडेंची प्रेमकहाणी, सुखी संसाराला झाली १४ वर्षे!

नेटकरी सध्या अभिनेत्रीवर कौतुकाचा वर्षाव करत आहेत. एका नेटकऱ्याने प्रार्थनाच्या व्हिडीओवर “नवीन ऑफिसचं उद्घाटन झालं. आता या ऑफिसचा शुभारंभ तुझ्या आणि श्रेयस सरांच्या एखाद्या प्रोजेक्टने कर” अशी कमेंट केली आहे. यावर अभिनेत्रीने “हो नक्की…” असं उत्तर दिलं आहे. दरम्यान, प्रार्थनाच्या चाहत्यांव्यतिरिक्त प्रिया मराठे, दिप्ती देवी, अदिती द्रविड या अभिनेत्रींनी सुद्धा प्रार्थनाला भविष्याच्या वाटचालीसाठी भरभरून शुभेच्छा दिल्या आहेत.

मराठीतील सर्व टेलीव्हिजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Prarthana behere bought redbul studios new office in mumbai actress shares video sva 00

First published on: 02-12-2023 at 17:28 IST
Next Story
“बिग बॉसच्या घरातील प्रेम बाहेर येईपर्यंत…”, अमृता देशमुख-प्रसाद जवादेसाठी मराठी अभिनेत्रीची पोस्ट, म्हणाल्या…