एसटी महामंडळाच्या राज्यातील करोनाबाधित कर्मचाऱ्यांची संख्या २३९ पर्यंत पोहोचली आहे. यापैकी ६५ कर्मचारी उपचार घेऊन घरी परतले, तर १६८ कर्मचाऱ्यांवर उपचार सुरू आहेत. तर आतापर्यंत सहा कर्मचाऱ्यांचा मृत्यू झाला आहे. मुंबई विभागातीलच मुंबई सेन्ट्रल, कुर्ला नेहरूनगर, परळ, उरण, पनवेल आगारांत ८६ रुग्ण असून यातील एकाचा मृत्यू आणि ठाणे विभागातील खोपट, वंदना, कल्याण, भिवंडी आगारांत एकूण १०१ रुग्ण असून यातील दोन जणांचा मृत्यू झाला आहे. एसटीच्या मुंबई सेन्ट्रल मुख्यालयातीलही एका कर्मचाऱ्याचा मृत्यू झाल्याचे सांगण्यात आले. उर्वरित करोनाबाधित कर्मचारी आणि मृत कर्मचारी हे राज्यातील अन्य आगारांतील आहेत.