News Flash

बच्चू कडू यांना जामीन

मंत्रालयातील उपसचिवाला मारहाण केल्याप्रकरणी अटक झालेल्या आमदार बच्चू कडू यांना गुरुवारी जामीन मिळाला.

मंत्रालयातील उपसचिवाला मारहाण केल्याप्रकरणी अटक झालेल्या आमदार बच्चू कडू यांना गुरुवारी जामीन मिळाला. २५ हजार रुपयांच्या जातमुचलक्यावर त्यांना महानगर दंडाधिकाऱ्यांनी जामीन मंजूर केला असून त्यांना पारपत्रही जमा करण्यास सांगितले आहे.
अपक्ष आमदार बच्चू कडू यांना मरिन ड्राइव्ह पोलिसांनी बुधवारी रात्री आठ वाजण्याच्या सुमारास विधान भवनातून बाहेर पडल्यानंतर अटक केली होती. कडू हे लिपिक अशोक जाधव यांच्यासह सामान्य प्रशासन विभागाचे उपसचिव बी. आर. गावित यांना भेटायला गेले होते. जाधव यांना सरकारी निवासस्थानात राहू देण्याची विनंती करण्यासाठी ते गेले होते; परंतु कडू आणि गावित यांच्यामध्ये वादावादी झाली, त्यातच कडू आणि जाधव यांनी गावित यांना मारहाण केली. याचा निषेध करत मंत्रालय कर्मचाऱ्यांनी काम बंद आंदोलन पुकारले होते. बुधवारी रात्री पोलिसांनी कडू यांना अटक केल्यानंतर गुरुवारी सकाळी त्यांना महानगर दंडाधिकाऱ्यांसमोर हजर केले असता त्यांना २५ हजार रुपयांच्या वैयक्तिक जातमुचलक्यावर जामीन मंजूर करण्यात आला. मारहाणीत आरोपी असलेल्या जाधवला अजूनही अटक झालेली नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 1, 2016 12:48 am

Web Title: bacchu kadu granted bail
Next Stories
1 पैशांचा हव्यासाने तुरुंगाचा मार्ग दाखवला
2 वांद्रे वसाहत पुनर्विकासातून सरकारला ७७ हजार कोटी मिळणार
3 मासे मरण्यामागे तापमान व कचरा हीच प्रमुख कारणे
Just Now!
X