22 October 2020

News Flash

अविश्वास प्रस्तावाची भाजपची तयारी

अन्य पक्षांच्या गटनेत्यांशी चर्चा करून सोमवारी अंतिम निर्णय घेण्यात येणार आहे.

(संग्रहित छायाचित्र)

मनमानी कारभार करणाऱ्या मुंबई महापालिका प्रशासनाला जाब विचारण्यासाठी पालिका सभागृहाची बैठक आयोजित करावी अशी मागणी वारंवार करण्यात येत आहे, पण त्याकडे दुर्लक्ष केले जात आहे. त्यामुळे आता महापौर किशोरी पेडणेकर यांच्या विरोधात अविश्वास ठराव मांडण्याची तयारी भाजपने सुरू केली आहे.

याबाबत अन्य पक्षांच्या गटनेत्यांशी चर्चा करून सोमवारी अंतिम निर्णय घेण्यात येणार आहे.

करोनाकाळात प्रशासनाने अनेक वस्तूंची चढय़ा भावात खरेदी केली आहे. याबाबत अनेक वेळा तक्रार करण्यात आली आहे. पण त्याकडे कुणी लक्षच देत नाही असा भाजपचा आरोप आहे.

सभागृहाची बैठक

पालिकेच्या मोठय़ा नाटय़गृहातघ्यावी अशी मागणी करण्यात आली आहे. परंतु ही मागणी धुडकावून दृक्श्राव्य पद्धतीने सभागृहाची बैठक घेतली. एकीकडे प्रशासन, तर दुसरीकडे सत्ताधारी शिवसेना मनमानी कारभार करीत आहे. त्यात मुंबईकरांचे  हाल होत आहेत. ही बाब लक्षात घेऊन किशोरी पेडणेकर यांच्याविरोधात अविश्वास ठराव आणण्याचा निर्णय घेण्यात आल्याची माहिती भाजपचे गटनेते प्रभाकर शिंदे यांनी सांगतले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 30, 2020 12:20 am

Web Title: bjp prepares no confidence motion against mumbai mayor abn 97
Next Stories
1 बालभारती बालचित्रवाणीच्या वाटेवर?
2 करोनाकाळात मुंबई पालिकेचे दृष्टिहीन कर्मचारी विनावेतन
3 ‘साथरोग प्रतिबंध कायद्या’अंतर्गत रुग्णालयांवर कारवाईचा पालिकेला अधिकार नाही
Just Now!
X