राज्याचे कृषिमंत्री आणि भाजपा नेते पांडुरंग फुंडकर यांच्या निधनामुळे रिक्त झालेल्या जागेसाठी ३ ऑक्टोबरला पोटनिवडणूक पार पडणार आहे. भारतीय निवडणूक आयोगाने यासंदर्भातले परिपत्रक काढून ही घोषणा केली आहे. नामांकन भरण्यासाठी २२ सप्टेंबरपर्यंतची मुदत देण्यात आली आहे. २६ सप्टेंबर ही अर्ज मागे घेण्याची शेवटची तारीख आहे. ३ ऑक्टोबरला मतदान होईल. सकाळी ९ ते दुपारी ४ या वेळेत मतदान होईल. तर ५ वाजता मतमोजणी सुरू होईल अशीही माहिती निवडणूक आयोगाने दिली.
