03 March 2021

News Flash

‘राम मंदिर करून दाखवण्यासाठी हवी शिवसेना’

सत्तेत भाजपा असूनही राम मंदिर उभारले जात नाही हे हिंदुत्त्वाचे दुर्दैव आहे अशी प्रतिक्रिया संजय राऊत यांनी दिली

शिवसेनेनेच्या प्रयत्नांशिवाय अयोद्धेतील राम मंदिराचा शिलान्यास अशक्य आहे असे मत राम जन्मभूमी न्यासाचे प्रमुख जनमेजयशरणजी महाराज यांनी व्यक्त केल्याचे शिवसेना खासदार संजय राऊत यांनी म्हटलं आहे. तसेच लवकरच उद्धव ठाकरे अयोध्येला जाणार आहेत असेही संजय राऊत यांनी स्पष्ट केले आहे. मंदिर निर्मितीसाठी उद्धव ठाकरे स्वतः अयोध्येला जाणार आहेत. त्यांच्या हस्ते राम मंदिराची वीट रचली जाणार आहे. दसऱ्यानंतर उद्धव ठाकरे अयोध्येला जाणार आहेत असेही समजते आहे.

अयोध्येतील श्रीराम मंदिर न्यायासाचे अध्यक्ष जनमेयशरणजी महाराज यांनी शिवसेना पक्ष प्रमुख उद्धव ठाकरेंची भेट घेतली. तसेच त्यांना अयोध्येला येण्याचे निमंत्रण दिले. हे निमंत्रण उद्धव ठाकरेंनी स्वीकारले आहे. दसरा झाल्यानंतर उद्धव ठाकरे तमाम शिवसैनिकांसह अयोध्येला रवाना होतील आणि ही तारीख काय असेल ते दसरा मेळाव्यात जाहीर करतील असेही स्पष्ट करण्यात आले आहे.

भाजपा सरकार केंद्रात असूनही राम मंदिर उभारणीचा निर्णय घेत नाहीत याबाबत पत्रकारांनी विचारले असता, सत्तेत भाजपा असूनही राम मंदिर उभारले जात नाही हे हिंदुत्त्वाचे दुर्दैव आहे अशी प्रतिक्रिया संजय राऊत यांनी दिली. केंद्र सरकार एससी-एसटी कायद्यासह अनेक विषयांवर अध्यादेश काढण्यात आला पण राम मंदिर निर्मितीबाबत अध्यादेश का काढू शकत नाही असाही प्रश्न संजय राऊत यांनी विचारला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 4, 2018 12:08 pm

Web Title: chief of ram janmabhoomi nyas came and met uddhav ji he was of the belief that its only shiv senas effort and nothing else which can help build the ram temple
Next Stories
1 भाजपाचा मंत्री आल्यास कार्यक्रमाची परवानगी रद्द करु; शानला पोलिसांची धमकी
2 मोदी-पुतिन बैठकीत एस-४०० करार, पाक दहशतवादाचा मुद्दा अजेंडयावर
3 अन्यायाला वाचा फोडणाऱ्यांनाच नोटीस: तनुश्री दत्ताचा नाना पाटेकरांवर निशाणा
Just Now!
X