27 October 2020

News Flash

निकष पूर्ण करणाऱ्या फक्त ५० महाविद्यालयांनाच यंदा मान्यता

राजकीय हितापेक्षा विद्यापीठांनी ठरवून दिलेले २२ निकष पूर्ण करणाऱ्या संस्थांनाच महाविद्यालये स्थापन करण्यास परवानगी देण्याचा निर्णय घेण्यात आला असून, या निकषात बसू शकतील अशा ५०

| July 13, 2013 04:55 am

राजकीय हितापेक्षा विद्यापीठांनी ठरवून दिलेले २२ निकष पूर्ण करणाऱ्या संस्थांनाच महाविद्यालये स्थापन करण्यास परवानगी देण्याचा निर्णय घेण्यात आला असून, या निकषात बसू शकतील अशा ५० महाविद्यालयांनाच यंदा मान्यता मिळणार आहे.
नवीन महाविद्यालयांच्या परवानगीबाबत मुख्यमंत्री पृथ्वीराज चव्हाण यांच्या अध्यक्षतेखाली गुरुवारी रात्री बैठक पार पडली.  उच्च व तंत्रशिक्षण विभागाकडे मान्यतेसाठी आलेल्या हजारो अर्जामध्ये २५० प्रस्ताव पात्र ठरले होते. यापूर्वी राजकीय नेत्यांना खूश करण्यासाठी निकष किंवा अटींकडे दुर्लक्ष करून महाविद्यालयांना मान्यता दिली जात असे. तसेच मान्यता देताना काँग्रेस आणि राष्ट्रवादी अशी ५० टक्के विभागणी केली असे. यंदा मात्र राजकीय हितापेक्षा निकष पूर्ण करणाऱ्या महाविद्यालयांना मान्यता देण्यावर भर देण्यात आला.
विद्यापीठाचे सारे निकष पूर्ण करणाऱ्या महाविद्यालयांना मान्यता देण्यात येणार आहे. या निकषात ५० महाविद्यालयांचा समावेश होतो, असे उच्च व तंत्रशिक्षणमंत्री राजेश टोपे यांनी सांगितले. या महाविद्यालयांची यादी १५ जुलैपर्यंत जाहीर करण्यात येणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 13, 2013 4:55 am

Web Title: criteria completing only 50 colleges allows this years
Next Stories
1 ठाणे, नवी मुंबईत पेट्रोल व डिझेल स्वस्त
2 यशस्वी विद्यार्थिनींच्या शिक्षणासाठी सेंट्रल बँक ऑफ इंडियाचा पुढाकार
3 मुलीची हत्या करून मातेची आत्महत्या
Just Now!
X