News Flash

नवी मुंबईतील ८९ बांधकामांवरील कारवाईसंदर्भात आज निर्णय

नवी मुंबईतील दिघा येथील सिडको, एमआयडीसी आणि राज्य सरकारच्या जमिनींवर उभ्या असलेल्या ८९ बहुमजली बांधकामांवर कारवाईबाबतचा निर्णय मंगळवारी उच्च न्यायालयाकडून दिला जाण्याची शक्यता आहे.

| July 7, 2015 02:20 am

नवी मुंबईतील दिघा येथील सिडको, एमआयडीसी आणि राज्य सरकारच्या जमिनींवर उभ्या असलेल्या ८९ बहुमजली बांधकामांवर कारवाईबाबतचा निर्णय मंगळवारी उच्च न्यायालयाकडून दिला जाण्याची शक्यता आहे.
राजीव मिश्रा यांनी अ‍ॅड्. दत्ता माने यांच्यामार्फत दिघा येथील बेकायदा बांधकामांबाबत केलेल्या याचिकेवर न्यायमूर्ती अभय ओक आणि न्यायमूर्ती रेवती ढेरे यांच्या खंडपीठासमोर सुनावणी झाली. त्या वेळेस कारवाईची जबाबदारी नेमकी कुणाची, हे निश्चित करण्याचे आणि त्याबाबत स्पष्टीकरण देण्याचे आदेश न्यायालयाने नगरविकास खात्याला दिले. तसेच त्यानंतर आवश्यक ते आदेश देण्याचे संकेत दिले. याचिकेतील दाव्यानुसार, दिघा येथील सरकारच्या मालकीच्या जमिनींवर अतिक्रमण करून बेकायदा बहुमजली इमारतींचे बांधकाम केलेले आहे. याचिकेत तीन जागांवरील बेकायदा बांधकामे नमूद केलेली आहेत. नवी मुंबई पालिकेने केलेल्या पाहणीत दिघ्यात ८६ अशी बेकायदा बांधकामे आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 7, 2015 2:20 am

Web Title: decision on action against 89 construction in navi mumbai will come today
Next Stories
1 प्रस्ताव मंजुरीसाठी कंत्राटदाराची सभागृहाबाहेर टेहळणी
2 गोवंडी पोलीस ठाण्यात चुकून गोळीबार
3 अग्निशमन दल प्रमुखपदी रहांगदळे
Just Now!
X