फ्रान्समध्ये दि. ८ ते १८ मे २०१८ या कालावधीत होणा-या कान्स आंतरराष्ट्रीय चित्रपट महोत्सवात राज्य शासनाकडून पाठविण्यात येणा-या तीन चित्रपटांची निवड करण्यात आली आहे. इडक, क्षितीज आणि पळशीची पी.टी. या तीन चित्रपटांची यासाठी निवड झाली आहे. या चित्रपट महोत्सवाच्या चित्रपटांसाठी २६ मराठी चित्रपटांचे परिक्षण करण्यात आले. यातून ३ चित्रपटांची निवड करण्यात आली. या परिक्षण समितीमध्ये रघुवीर कुलकर्णी (दिग्दर्शक, निर्माता), रेखा देशपांडे (चित्रपट समीक्षक), अरुणा जोगळेकर (पटकथाकार, दिग्दर्शक, निर्माता), प्रमोद पवार (लेखक, अभिनेता), पुरुषोत्तम लेले (निर्माता, दिग्दर्शक तथा महामंडळाचे अशासकीय सदस्य) या तज्ज्ञ सदस्यांचा समावेश आहे.
