बनावट डिमांड ड्राफ्ट देऊन फसवणूक करणाऱ्या सहा जणांच्या एका टोळीला कुलाबा पोलिसांनी अटक केली असून त्यात दोन मुलींचा समावेश आहे. मुंबईतल्या पंचतारांकित ताज हॉटेलमधील एका ज्वलर्स शोरूमला त्यांनी ७ लाखांचा बनावट डिमांड ड्राफ्ट देऊन फसवणूक केली होती. या टोळीने बनावट चलन, आधार कार्ड, रेल्वे पासेसही बनवले होते. अटक झालेल्यांमध्ये मिनी पांडे (२०), टिना पांडे (२१) या दोन मुलींसह सुरेंद्र पंजाबी (६०), राजेश कारानी (३७), जनक ढोलकिया (५८) आणि अशोक मेहता यांचा समावेश आहे. पंचतारांकित आणि महागडय़ा शोरूममला ही टोळी लक्ष्य करत होती.
