वरळीत श्रीराम मिल जवळच्या नेरोलॅक पेन्टसच्या गोदामाला लागलेली आग विझवण्यात अग्निशमन दलाला यश आले आहे. आग लागल्याची माहिती मिळाल्यानंतर अग्निशमन दलाच्या १२ गाडया घटनास्थळी रवाना करण्यात आल्या होत्या. अग्निशमन दलाच्या जवानांनी शर्थीचे प्रयत्न करुन आग नियंत्रणात आणली. लेव्हल २ ची ही आग होती. नेरोलॅक ही रंगांची निर्मिती करणारी कंपनी आहे. गोदामामध्ये रंगाचे साहित्य ठेवण्यात आले होते अशी माहिती आहे. वरळीतील श्रीराम मिलचा परिसर वर्दळीचा रस्ता आहे. हा गजबजलेला भाग असल्याने आग पसरू नये यासाठी अग्निशमन दलाकडून शर्थीचे प्रयत्न सुरु होते. काही वेळासाठी या मार्गावर वाहतूक कोंडीची स्थिती निर्माण झाली आहे.
