मुंबईच्या वांद्रे येथील झोपडपट्टयांना आग लागण्याचे सत्र कायम आहे. आज पुन्हा एकदा वांद्रे पश्चिमेकडील शास्त्रीनगर परिसरात असलेल्या झोपडपट्टीला आग लागली आहे. सुदैवाने या आगीत कोणतीही जीवितहानी झालेली नाही. दरम्यान, ही आग शमवण्यासाठी अग्निशमन दलाचे 7 बंब घटनास्थळी दाखल झाले असून आगीवर नियंत्रण मिळवण्याचे प्रयत्न सुरू आहेत.


वांद्रे पश्चिम येथील जामा मशिदीच्या मागील बाजूस असलेल्या शास्त्री नगर परिसरात आग लागल्याची घटना घडली आहे.सिलिंडरच्या स्फोटामुळे ही आग लागल्याची प्राथमिक माहिती आहे. गेल्या काही दिवसांपासून या परिसरात सातत्याने आग लागण्याच्या घटना घडत आहेत.