नवी मुंबईतील तुर्भे या ठिकाणी असलेल्या एमआयडीसी परिसरातील एका केमिकल कंपनीला आग लागल्याची बातमी समोर आली आहे. 'सुधीर शेड' असे या कंपनीचे नाव असल्याची माहिती समोर आली आहे. ही आग नियंत्रणात आणण्यासाठी अग्निशमन दलाच्या सुमारे ८ गाड्या घटनास्थळी दाखल झाल्या आहेत. या घटनेत २ जण जखमी झाल्याचीही माहिती मिळते आहे. आग नेमकी का लागली याचे कारण अद्याप समजू शकलेले नाही. 'एएनआय' या वृत्तसंस्थेने या संदर्भातले वृत्त दिले आहे. जखमींना MGM रूग्णालयात दाखल करण्यात आल्याची माहितीही समोर येते आहे. या जखमींची नावे अद्याप समजू शकलेली नाहीत. आगीचे मोठे लोळ आणि मोठ्या प्रमाणावर धूर या परिसरात दिसून येतो आहे. खारघर आणि वाशी या ठिकाणाहून आगीचे लोळ आणि धूर दिसून येत होते. जवळपासच्या कंपन्यांमधील कामगारांनाही सोडून देण्यात आले. आग नियंत्रणात आणण्याचे काम अद्यापही सुरू आहे. Mumbai: Fire breaks out in a building in Turbhe MIDC Industrial area in Navi Mumbai, fire tenders present on the spot pic.twitter.com/xHrtWiFZ5Z — ANI (@ANI) December 17, 2017 ;