मुंबईतल्या गोरेगाव या ठिकाणी असलेल्या उड्डाण पुलावर एका तेलाच्या टँकरने पेट घेतल्याची घटना घडली आहे. या ठिकाणी अग्निशमन दलाला बोलवण्यात आलं असून आग नियंत्रणात आणण्यासाठी प्रयत्न केले जात आहेत. काही वेळापूर्वीच ही घटना घडली आहे. एएनआयने या संदर्भातले वृत्त दिले आहे.

मुंबईतल्या गोरेगाव या ठिकाणी असलेल्या आरे कॉलनी फ्लाय ओव्हरवर या टँकरने अचानक पेट घेतला. यामुळे उड्डाण पुलावरची वाहतूक विस्कळीत झाली होती. आता हळूहळू वाहतूक पूर्वपदावर येते आहे. उड्डाण पूल बंद केल्यामुळे ब्रिजच्या खाली वाहतूक कोंडी झाली होती. अंधेरीकडे जाणारी वाहतूक खोळंबली होती. आता हळू हळू ही वाहतूक पूर्वपदावर येते आहे.