काँग्रेस नेते व माजी शिक्षण राज्यमंत्री सलिम झकेरिया (७४) यांचे शुक्रवारी हृदयविकाराच्या तीव्र झटक्याने निधन झाले. शरद पवार यांच्या मंत्रिमंडळात त्यांनी राज्यमंत्रीपद भूषविले होते. वांद्रे मतदारसंघातून विधानसभेवर निवडून आले होते. वक्फ बोर्डसह विविध संस्थांवर त्यांनी काम केले. त्यांच्या निधनाबद्दल काँग्रेसचे प्रदेशाध्यक्ष अशोक चव्हाण तसेच राष्ट्रवादीचे प्रदेशाध्यक्ष सुनील तटकरे यांनी शोक व्यक्त केला आहे.
