News Flash

कोपरी पुलाचा पत्रा पडून मोटरमन जखमी

हा भाग थेट मोटरमनच्या खिडकीवर पडल्याने ती खिडकी तुटून मोटरमन जखमी झाला.

ठाण्याजवळील कोपरी येथील पूल पाडण्याचे काम विशेष ब्लॉक घेऊन करण्याचा निर्णय झाल्यानंतरही बुधवारी मध्यरात्री या पुलावरून लोखंडी पत्र्याचा काही भाग खाली पडला. हा भाग थेट मोटरमनच्या खिडकीवर पडल्याने ती खिडकी तुटून मोटरमन जखमी झाला. मात्र प्रसंगावधान दाखवत त्याने गाडी ठाणे स्थानकात आणली. ठाणे स्थानकातून या मोटरमनला थेट रुग्णालयात दाखल करण्यात आले आणि ही गाडी रद्द करण्यात आली. गेल्या दोन महिन्यांतील ही दुसरी घटना आहे. बुधवारी रात्री ११.२० वाजता मुंबईहून टिटवाळ्यासाठी निघालेली गाडी १२.१५च्या सुमारास कोपरी पुलाखालून जात होती. या वेळी अचानक पुलाचा एक लोखंडी पत्रा निखळून थेट गाडीवर पडला. या अपघातात मोटरमन कोतुरवार यांना दुखापत झाली. कोतुरवार यांनी प्रसंगावधान राखत गाडी ठाणे स्थानकात आणून थांबवली आणि त्यानंतर त्यांना ठाण्याच्या शासकीय रुग्णालयात दाखल करण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 18, 2015 12:01 am

Web Title: injured motaramana in kopar
Next Stories
1 मुंबई मेट्रोची भाडेवाढ आणखी महिनाभरासाठी टळली
2 पश्चिम रेल्वेची लोकल सेवा पूर्ववत
3 असहिष्णुतेच्या वक्तव्यावर शाहरुखचा माफीनामा
Just Now!
X