News Flash

‘म्हातारीचा बूट’ बच्चेकंपनीला खेळण्यासाठी खुला

उद्यानाच्या नुतनीकरणासाठी ५ कोटींचा खर्च

मुंबईतील कमला नेहरु पार्क बच्चेकंपनीला खेळण्यासाठी पुन्हा एकदा खुले झाले आहे. या उद्यानाचे नुतनीकरण करण्यात आले आहे. सर्वात महत्त्वाची गोष्ट म्हणजे या उद्यानात असलेल्या म्हातारीच्या बुटात जाऊन बच्चेकंपनीला खेळ खेळता येणार आहेत. बच्चेकंपनीला या बुटात जाऊन खेळ करणे सुमारे पाच वर्षांपेक्षा जास्त काळ बंद होते. मात्र आता मुंबई महापालिकेने या बुटाचे आणि संपूर्ण कमला नेहरू पार्कचे नुतनीकरण केले आहे. नर्सरीत शिकवल्या जाणाऱ्या कविता ही आता कमला नेहेरू पार्कची थीम आहे. हिंदुस्थान टाइम्सने या संदर्भातले वृत्त दिले आहे.

हँगिग गार्डन किंवा फिरोजशहा मेहता गार्डन नावाने ओळखले जाणाऱ्या पार्कचेही नुतनीकरण करण्यात आले आहे. गिरगाव चौपाटीचे विहंगम दृश्य कमला नेहरू पार्कमधून दिसते. तर इथे असलेल्या अँपी थिएटरला इंद्रधनुष्याच्या रंगात रंगवण्यात आले आहे. तर या बागेत असलेला कारंजाही दुरुस्त करण्यात आला. अशोका पिलरला तिरंगी रोषणाई करुन सजवण्यात आले आहे. पाच कोटी रुपये खर्च करुन या उद्यानाचे नुतनीकरण करण्यात आले आहे. मुंबईचे महापौर विश्वनाथ महाडेश्वर आणि शिवसेना नेते आदित्य ठाकरे यांनी या पार्कचे उद्घाटन केले. या पार्कमध्ये सेल्फी पॉईंटही उभारण्यात आले आहेत.

कमला नेहरु उद्यान हे नाव पंडित नेहरू यांच्या पत्नीच्या नावामुळे या उद्यानाला देण्यात आले आहे. मात्र इथला म्हातारीचा बूट बच्चेकंपनीत प्रसिद्ध आहे. गेल्या काही वर्षांपासून या बागेची दुरवस्था झाली होती आणि बुटातही जाता येत नव्हते. आता मात्र लहान मुलांसाठी हा बूट खुला करण्यात आला आहे. त्यामुळे म्हातारीच्या बुटात जाऊन खेळण्याची मजा बच्चेकंपनीला पुन्हा अनुभवण्यात येणार आहे. सध्या परीक्षांचे दिवस आहेत. मात्र एप्रिल आणि मे महिन्यात या उद्यानाला चांगला प्रतिसाद मिळू शकणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 23, 2018 3:17 pm

Web Title: kamla nehru park and old womans shoe in mumbai are reopen for children
Next Stories
1 नीरव मोदी माझ्यासमोर आला तर त्याला चपलेने मारेन…
2 ऐतिहासिक मुलाखतीनंतर शरद पवारांची काळजी वाटते-उद्धव ठाकरे
3 शेतरस्त्यांच्या कामांना आता गती
Just Now!
X