News Flash

शिवकुमार यांचे बुकिंग हॉटेलकडून रद्द, पवईत कलम १४४ लागू

मुंबईत दाखल झालेल्या शिवकुमार यांनी पवईच्या रेनायसन्स हॉटेलमध्ये बुकिंग केले होते.

कर्नाटकातील राजकीय नाटयाचा खेळ आता मुंबईत सुरु झाला आहे. काँग्रेस नेते आणि कर्नाटक सरकारमधील मंत्री डी.के.शिवकुमार सरकार वाचवण्यासाठी आपल्यापरीने पूर्ण प्रयत्न करत आहेत. मुंबईत दाखल झालेल्या शिवकुमार यांनी पवईच्या रेनायसन्स हॉटेलमध्ये बुकिंग केले होते. पण त्यांचे बुकिंग आता हॉटेलकडून रद्द करण्यात आले आहे. याच हॉटेलमध्ये काँग्रेस-जेडीएसचे बंडखोर आमदार थांबले आहेत.

रेनायसन्स हॉटेलकडून त्यांचे बुकिंग रद्द करण्यात आल्यानंतर शिवकुमार यांनी मी काही दहशतवादी नाही अशी प्रतिक्रिया दिली. काही इमर्जन्सी कारणांमुळे बुकिंग रद्द करण्यात येत असल्याचे हॉटेलने शिवकुमार यांना पाठवलेल्या ई-मेल मध्ये म्हटले आहे. मी फक्त नागरिक आहे मंत्री नाही. मी दहशतवादी नाही. हे सर्व राजकारण आहे असे शिवकुमार यांनी म्हटले आहे.

शिवकुमार यांना बंडखोर आमदारांची भेट घेण्यापासून रोखण्यात आले. दरम्यान रेनायसन्स हॉटेल असलेल्या पवईमध्ये कलम १४४ लागू करण्यात आले आहे. पवई पोलीस स्टेशनच्या हद्दीत हे कलम लागू असेल. पवईत चार पेक्षा अधिक लोकांना एकत्र जमण्यावर बंदी आहे. शांतता भंग होऊ नये म्हणून ९ ते १२ जुलैसाठी जमावबंदी लागू करण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 10, 2019 12:34 pm

Web Title: karnataka minister dk shivakumar on renaissanc powai section 144 dmp 82
Next Stories
1 तिवरे धरणग्रस्तांचे माळीणप्रमाणे पुनर्वसन करा; शरद पवारांचे मुख्यमंत्र्यांना पत्र
2 लोकलमध्ये तांत्रिक बिघाड; CSMTच्या दिशेने जाणारी वाहतूक खोळंबली
3 अध्यक्ष निवडता येत नसेल तर कार्यालयांना टाळे लावा; शिवसेनेचा काँग्रेस नेत्यांना टोला
Just Now!
X