जोगेश्वरी येथील एका रद्दीविक्रेत्याच्या दुकानात १५ जिवंत काडतुसे आणि मोबाईल फोन सापडला आहे. अंबोली पोलीस ठाण्यात याप्रकरणी गुन्हा दाखल करण्यात आला आहे.जोगेश्वरी येथे गोपाल पटेल यांचे पटेल पेपर मार्ट नावाचे रद्दीचे दुकान आहे. मंगळवारी दुपारी ते नेहमीप्रमाणे आपल्या दुकानातील रद्दीची छाननी करत असताना एका प्लॅस्टिकच्या बॅगेत एक मोबाईल फोन आणि पंधरा जिवंत काडतुसे सापडली आहेत. पटेल यांनी याबाबत अंबोली पोलीस ठाण्याला माहिती दिल्यानंतर पोलिसांनी गुन्हा दाखल केला.
