20 January 2018

News Flash

तीन महिन्यांत महाराष्ट्र रोकडरहित!

‘सध्याच्या चलनटंचाईमुळे शेतकरी अडचणीत आला असून रब्बी हंगामही संकटात आला आहे.

विशेष प्रतिनिधी, मुंबई | Updated: November 28, 2016 4:18 AM

अर्थव्यवहारांसाठी राज्य सरकारचा कृतिआराखडा तयार; ‘आपले सरकार केंद्रां’वर डिजिटल बँकिंग

निश्चलनीकरणाच्या निर्णयानंतर पंतप्रधान नरेंद्र मोदी यांनी, ‘चला आता रोकडरहित अर्थव्यवहारांकडे’, असे आवाहन केल्याच्या पाश्र्वभूमीवर मुख्यमंत्री देवेंद्र फडणवीस यांनी ‘तीन महिन्यांत रोकडरहित महाराष्ट्र’चा नारा रविवारी दिला. राज्य सरकारचा या संदर्भातील कृतिआराखडा तयार असल्याचे सांगत, राज्य सरकारच्या ‘आपले सरकार केंद्रां’वर डिजिटल बँकिंग सुविधा उपलब्ध करून देण्याचा निर्णय झाल्याचे मुख्यमंत्र्यांनी जाहीर केले.

रविवारी सकाळी ‘मन की बात’ या आकाशवाणीवरील कार्यक्रमात निश्चलनीकरणाचे ठाम समर्थन करणारे पंतप्रधान नरेंद्र मोदी यांनी नंतर उत्तर प्रदेशातील दुपारच्या जाहीर सभेत रोकडरहित अर्थव्यवहारांचे महत्त्व अधोरेखित केले. केंद्र सरकारचे पुढील पाऊल त्या दिशेचे असू शकते, असे संकेत पंतप्रधानांनी सभेत दिले. त्यापाठोपाठ मुख्यमंत्री देवेंद्र फडणवीस यांनी रविवारी संध्याकाळी रोकडरहित व्यवहारांसाठी महाराष्ट्र सज्ज होत असल्याचे स्पष्ट केले. तत्पूर्वी, मुख्यमंत्र्यांनी राज्यस्तरीय बँक समितीची तातडीची बठक सह्य़ाद्री अतिथीगृह येथे बोलविली होती. सहकार मंत्री सुभाष देशमुख, राज्याचे मुख्य सचिव स्वाधीन क्षत्रिय, वित्त विभागाचे अपर मुख्य सचिव डी. के. जैन, मुख्यमंत्र्यांचे प्रधान सचिव प्रवीण परदेशी, विविध विभागांचे प्रधान सचिव, सचिव तसेच रिझव्‍‌र्ह बँक, स्टेट बँक, बँक ऑफ महाराष्ट्र, बँक ऑफ बडोदा, नाबार्ड, तसेच मोबाइल वॉलेट कंपन्यांचे प्रतिनिधी यावेळी उपस्थित होते. या बैठकीमध्ये राज्यातील ३० हजार ‘आपले सरकार’ केंद्रांवर डिजिटल बँकिंगची सुविधा उपलब्ध करून देण्याचा महत्त्वाचा निर्णय झाला. ग्रामपंचायत स्तरावर ही केंद्रे व्यावसायिक प्रतिनिधी म्हणून काम पाहतील. त्यामुळे ग्रामीण शेतकरी, व्यापारी, वाहतूकदारांना सुविधा उपलब्ध होतील.

‘सध्याच्या चलनटंचाईमुळे शेतकरी अडचणीत आला असून रब्बी हंगामही संकटात आला आहे. हे लक्षात घेऊन या रब्बी  हंगामासाठी शेतकऱ्यांना १३ हजार ४०० कोटी रुपयांच्या कर्जाचे वितरण करण्यात येईल. त्यापैकी नऊ हजार कोटी रुपयांचे कर्ज राष्ट्रीयकृत बँका उपलब्ध करून देणार आहेत; तर तीन हजार कोटी रुपये जिल्हा सहकारी बँकांच्या माध्यमातून देण्यात येतील. आज हाती पैसा नसल्यामुळे शेतकरी खते, बियाणे घेऊ शकत नाही. त्यामुळे त्यांना थेट वितरकांच्या माध्यमातून खते, बियाणे उपलब्ध करून देण्यात येईल. त्यासाठीचे पैसे थेट वितरकांच्या खात्यावर जमा करण्याची तयारी स्टेट बँकेने दाखविली आहे’, अशी माहिती फडणवीस यांनी दिली.

राज्यात सुमारे दोन कोटी जनधन खाती उघडण्यात आली असली तरी त्यापैकी ५० टक्के खात्यांची एटीएम कार्डे अद्याप सुरू झालेली नाहीत. ही कार्डे सुरू करण्यावर भर देण्यात येत आहे. राज्यात रोकडरहित व्यवहारांसाठी त्याची मोलाची मदत होईल.

First Published on November 28, 2016 4:18 am

Web Title: maharashtra government working on cashless transaction
  1. M
    Mayuresh
    Nov 28, 2016 at 12:00 am
    हातात असलेला पैसा काढून घेतला, रांगा लावून जमा करायला लावला. पैसे काढून घेण्यावर मर्यादा आणल्यात. आणि आता तोच पैसा कर्ज म्हणून तोंडावर मारणार? जनाची तर सोडलीच आहे, मनाचीही लाज वाटतात नाही का?
    Reply
    1. S
      Sawita Nemade
      Nov 29, 2016 at 5:47 am
      त्यीसाठी घरातल्या प्रत्येक व्यक्तीकडे स्मार्टफाेन हवा. प्रतयेकाने आयुष्यभर ईंटरनेट ला पैसे खर्च करावेत..
      Reply
      1. R
        Rama Shiva
        Nov 28, 2016 at 2:32 am
        One of the issue is: Commission on the cashless transaction. If I accept /give cash, I get full value of the amount. In case of digital wallets OR neft /rtgs I have to pay commission. This is a deterrent. The RBI ures full value of the currency note. Digital wallet cuts a percentage from it. If all the transactions are made at the face value and easy to make, there should be no issue.
        Reply
        1. R
          Raj
          Nov 28, 2016 at 4:22 pm
          Maharashtra chya tijori madhe khadkhadat aahe. Urale surale paise tin mahinyat sampanar. Mag maharashtrat sagale vyavhar rokad virahit honar.
          Reply
          1. प्रविण पाटील
            Nov 28, 2016 at 2:55 am
            बाजारात किरकोळ विक्रेत्यांना स्वाईप मशीन द्या. तसेच मशीन भ्रष्टाचाऱ्यांना द्या. म्हणजे तोही कायदेशीर होऊन काळा पैसा तयार होणार नाही.
            Reply
            1. V
              Vishakha Sane
              Nov 28, 2016 at 2:35 am
              आता तरी कुठे लोकांकडे रोकड आहे?
              Reply
              1. S
                shriram Thorve
                Nov 29, 2016 at 4:21 am
                आधी तय्यारी करा, मगच सुरुवात करा, नाही तर, कसायाच्या दारात गाय बांधल्या सारखे होईल . गरीब आणि अज्ञानी लोकांचे हाल कुत्रे सुद्धा खाणार नाही.
                Reply
                1. विकास खामकर
                  Nov 28, 2016 at 2:08 am
                  ग्रामीण भागात वीज कितीवेळ असते मोबाईल चार्ज करायला? आणी किती लोकांना इंग्रजी समजते?? मराठीतून सेवा दिली नाही तर मराठी साक्षर सगळे एकजात अडाणी ठरतील. फक्त शहरी भागात राहिल्यामुळे फडणवीस साहेबांना ग्रामीण भागाचा गंध नाही.त्यामुळे अशी 'तुघलकी' वक्तव्ये करत आहेत.
                  Reply
                  1. Load More Comments