वांद्रे टर्मिनसवर एका अज्ञात व्यक्तीने २५ वर्षांच्या तरुणीवर गुरुवारी सकाळी ऍसिड फेकले. संबंधित तरुणी नोकरीवर रुजू होण्यासाठी आपल्या कुटुंबियांसोबत दिल्लीहून आली होती. वांद्रे टर्मिनसवर हे कुटूंब उतरल्यावर ही घटना घडली. आर. प्रिती असे या तरुणीचे नाव आहे. प्रिती गुरुवारी सकाळी सव्वाआठ वाजता गरीब रथने वांद्रे टर्मिनसवर उतरली. त्याचवेळी तोंडावर रुमाल बांधलेला एक तरूण तिच्याजवळ आला. त्याने स्वतःजवळी भांड्यात आणलेले ऍसिड प्रितीच्या तोंडावर फेकले आणि गर्दीचा फायदा घेऊन तो तेथून पळून गेला. प्रितीसोबत तिचे वडील आणि इतर नातेवाईकही यावेळी तिथे होते. त्यांनी तातडीने तिला रुग्णालयात दाखल केले. दरम्यान, ऍसिडमुळे प्रितीचा एक डोळा गेल्याची माहिती एका वृत्तवाहिनीने दिली आहे.(संग्रहित छायाचित्र)
