News Flash

कंत्राटदारांशी हातमिळवणी करणाऱ्यांवर कारवाई करा

नालेसफाई करणारे कंत्राटदार आणि पालिका आधिकारी संगनमताने काम करीत असल्यामुळे पालिकेचे नुकसान होत आहे. पालिकेचे नुकसान करणाऱ्या अधिकाऱ्यांविरुद्ध कडक कारवाई करा, अशी मागणी मुंबई प्रदेश

| June 2, 2013 02:33 am

नालेसफाई करणारे कंत्राटदार आणि पालिका आधिकारी संगनमताने काम करीत असल्यामुळे पालिकेचे नुकसान होत आहे. पालिकेचे नुकसान करणाऱ्या अधिकाऱ्यांविरुद्ध कडक कारवाई करा, अशी मागणी मुंबई प्रदेश काँग्रेसचे अध्यक्ष जनार्दन चांदुरकर यांनी शुक्रवारी पालिका आयुक्तांकडे केली. पावसाळा तोंडावर आल्यामुळे पालिकेच्या कामांचा आढावा घेण्यासाठी जनार्दन चांदुरकर यांनी आमदार, नगरसेवकांसमवेत पालिका मुख्यालयात आयुक्त सीताराम कुंटे यांची भेट घेतली.
नालेसफाई करणाऱ्या केवळ एल विभागातील कंत्राटदाराव्यतिरिक्त अन्य कोणत्याही कंत्राटदाराला गाळ टाकण्यासाठी खासगी जमीन मालकाकडून ‘ना हरकत’ प्रमाणपत्र मिळविता आलेले नाही, असाही आरोप चांदोलकर यांनी यावेळी केला. ही बाब आपण आयुक्तांच्या निदर्शनास आणून दिली असून संबंधित अधिकाऱ्यांची चौकशी करावी, अशी मागणी केल्याचे त्यांनी पत्रकारांना सांगितले. साथीच्या आजारांचा प्रादुर्भाव होऊ नये यासाठी उपाययोजना, अनधिकृत झोपडपट्टय़ांवर कारवाई, वृक्ष छाटणी आदी विषयांवरही त्यांनी आयुक्तांशी चर्चा केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 2, 2013 2:33 am

Web Title: mumbai congress demand action against bmc officer for handshake with contractors
टॅग : Contractors
Next Stories
1 बक्षिसाची रक्कम लाटणाऱ्या दक्षता अधिकाऱ्याविरुद्ध गुन्हा
2 अभिनेता अबिर गोस्वामीचा हृदयविकाराच्या धक्क्यानं मृत्यू
3 अ‍ॅसिड हल्ल्यातील जखमी प्रीतीचे निधन
Just Now!
X