मुंबईतील वर्सोवा परिसरात भरधाव जॅग्वार कारने वाहनांना जोरदार धडक दिली. या धडकेत चार जण जखमी झाले आहेत. जखमींना नजीकच्या रुग्णालयात दाखल करण्यात आले असून त्यांची नावे अद्याप समजू शकलेली नाहीत. सोमवारी रात्री ही घटना घडली. जॅग्वार कार भरधाव वेगात असताना कारने चौघांना धडक दिली आणि कार पुढे इतर वाहनांना जाऊन धडकली. या धडकेत कारचा पुढचा भाग चेपला गेला असल्याचे कार अत्यंत वेगात असल्याचा अंदाज व्यक्त करण्यात येत आहे. तसेच, कारची पुढील काचही फुटली असून काचेला तडे गेले आहेत.

दरम्यान, या घटनेनंतर कारच्या चालकाला तेथील लोकांनी पकडून पोलिसांच्या स्वाधीन केले आहे.