News Flash

मुंबईतील मोकळ्या जागांचा वापर वाहनतळांसाठीच करा

मुंबईत दिवसेंदिवस वाहनांची संख्या वाढत असून पाìकगसाठीच्या जागेत पुरेशी वाढ करण्यासह एकात्मिक वाहनतळ व्यवस्था निर्माण करण्याची गरज आहे.

| January 15, 2015 03:03 am

मुंबईत दिवसेंदिवस वाहनांची संख्या वाढत असून पाìकगसाठीच्या जागेत पुरेशी वाढ करण्यासह एकात्मिक वाहनतळ व्यवस्था निर्माण करण्याची गरज आहे. त्यासाठी मुंबई महापालिकेने मोकळ्या जागांबाबतच्या सध्याच्या धोरणाचे कोणतेही उल्लंघन न करता वाहनतळ उभारण्यासाठी करावा तसेच पर्यायी जागांचाही शोध घ्यावा, असे आदेश मुख्यमंत्री देवेंद्र फडणवीस यांनी बुधवारी मुंबई महापालिकेस दिले.
 मुंबई आणि ठाणे शहरातील वाहतुकीच्या समस्येचा आढावा घेण्यासाठी आयोजित बठकीत बोलताना फडणवीस यांनी हे आदेश दिले. गृहराज्यमंत्री डॉ. रणजित पाटील, परिवहन विभागाचे अपर मुख्य सचिव गौतम चटर्जी, मुंबई पालिकेचे आयुक्त सीताराम कुंटे, एमएमआरडीएचे आयुक्त यू. पी. एस. मदान, गृहविभागाचे सचिव विनीत अग्रवाल आदी या वेळी उपस्थित होते.
 वाहतूक व्यवस्थेच्या नियोजनासाठी यापुढे आधुनिक तंत्रज्ञानाचा उपयोग करून घेण्यात येईल. मुंबईत सीसीटीव्ही कॅमेरे बसविण्यात येणार आहेत. त्याचा सुरक्षेसह वाहतूक नियंत्रणासाठीही उपयोग होईल. तसेच मुंबई शहरातील महत्त्वाच्या पॉइंटवर विशेष कॅमेरे बसविण्यात येतील. त्यामुळे सिग्नल तोडणे, स्टॉप लाइनच्या पुढे वाहने उभे करणे, वाहन बेदरकारपणे चालविणे आदी गुन्हे करणाऱ्यांवर कारवाई करणे शक्य होईल, असेही त्यांनी स्पष्ट केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 15, 2015 3:03 am

Web Title: parking centers on vacant places in mumbai
Next Stories
1 ‘आरटीओ’तून दलालांना हद्दपार करण्याचे आदेश
2 ‘ग्रामविकास’च्या परिषदेचा खर्च ‘युनिसेफ’चा
3 रघुलीला मॉलमध्ये देखभाल खर्चावरून वाद
Just Now!
X