रेल्वे मंत्रालयाने प्लॅटफॉर्म तिकिटाचे दर थेट दुपटीने वाढवले आहेत. याआधी पाच रुपयांमध्ये मिळणाऱ्या या प्लॅटफॉर्म तिकिटासाठी १ एप्रिलपासून दहा रुपये मोजावे लागणार आहेत. याबाबतचे आदेश रेल्वे बोर्डाने मंगळवारी रात्री उशिरा दिले. रेल्वेमंत्री सुरेश प्रभू यांनी प्रवासी तिकिटात भाडेवाढ केली नसली, तरी प्लॅटफॉर्म तिकीट थेट दुपटीने वाढवले आहे. त्याचप्रमाणे या दरांत काही ठरावीक प्रसंगांच्या वेळी वाढ करण्याचे अधिकार रेल्वे बोर्डाकडे राखीव असतील, असेही या आदेशात म्हटले आहे.
