25 September 2020

News Flash

मुंबई पाऊस : गणेश मंडळांनी वीज कनेक्शन बंद करावेत; सार्वजनिक गणेशोत्सव समितीचे आवाहन

दुर्घटना घडू नयेत यासाठी काळजी घेण्याच्या सूचना

संग्रहित छायाचित्र

मुंबईत सध्या मुसळधार पाऊस सुरु असून गणेशोत्सवाचीही धामधूम आहे. या काळात शहरातील चौकाचौकात सार्वजनिक गणेश मंडळांचे मंडप टाकलेले आहेत. मात्र, पावसामुळे मंडपात पाणी शिरले असेल तर संभाव्य दुर्घटना घडू नये यासाठी सर्व गणेश मंडळांनी आपले वीज कनेक्शन तत्काळ बंद करावेत अशा सुचना सार्वजनिक गणेशोत्सव समितीकडून देण्यात आल्या आहेत.


मुंबईत २४ तासांत १५ सेमी पाऊस झाला असून अजूनही मुसळधार पाऊस सुरु असल्याने संपूर्ण जनजीवन विस्कळीत झाले आहे. शहरातील लोकल सेवा कोलमडली असून रेल्वे उशीराने धावत आहेत. जोरदार पाऊस थांबण्याचा शक्यता नसल्याने शाळांसह अनेक चाकरमान्यांना त्यांच्या कार्यालयांकडून आज सुटीही देण्यात आली आहे. मात्र, घरी जाण्यासाठी त्यांनी लोकल, बस वेळेवर मिळण्यास अडचणी येत आहेत.

या पार्श्वभूमीवर गणेश मंडळांना पाण्याचा निचरा होईपर्यंत वीज कनेक्शन बंद ठेवण्याच्या सुचना देण्यात आल्या आहेत. गणेश मंडळांचे मंडप हे लोखंडी पत्र्यांची शेड असतात. त्यातच अख्ख्यी तुंबल्याने अनेक सखल भागातील गणेश मंडळांच्या मंडपांमध्येही पाणी शिरले आहे. अशा परिस्थितीत चुकून वीजप्रवाहाचा पाण्याशी संपर्क झाल्यास मोठा अनर्थ ओढवू शकतो त्यामुळे उत्सव काळात विपरीत घटना घडू नये यासाठी शहरातील सर्व गणेश मंडळांना काळजी घेण्याचे आवाहनही सार्वजनिक गणेशोत्सव समितीकडून करण्यात आले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 29, 2017 2:06 pm

Web Title: sarvajanik ganeshotsav samiti issues advisory to ganapati mandals to disconnect power supplies if there is water logging
Next Stories
1 Mumbai Rains Live Updates: मुसळधार पावसामुळे मुंबईकरांना ‘२६ जुलै’ची आठवण
2 महापौर बंगला उपनगरात?
3 मेट्रो फलाटांवर काचेची भिंत
Just Now!
X