गेल्या २४ तासांत पश्चिम उपनगरात तीन ठिकाणी आगीच्या घटना घडल्या आहेत. या तीन घटनांमध्ये मिळून एकूण २५ झोपडय़ा जळून राख झाल्या.गुरुवारी रात्री सांताक्रुझ येथील एअर इंडिया वसाहतीत एका खोलीत शॉर्ट सर्किटमुळे आग लागली. या आगीत खोलीतील सामान जळून राख झाले. शुक्रवारी पहाटे गोरेगाव पूर्व येथील संतोषनगरच्या नानुमामा कंपाऊंडमध्ये आग लागली. या आगीत एकूण २३ झोपडय़ा जळून राख झाल्या. सुदैवाने या आगीत कोणतीही जीवितहानी झाली नाही. दीड तासानंतर या आगीवर नियंत्रण मिळवण्यात अग्निशमन दलाच्या जवानांना यश आले.पहाटेच्या सुमारास मालाडच्या खडकपाडा येथे लागलेल्या आगीत दोन झोपडय़ा जळाल्याचा पोलिसांचा अंदाज आहे.
