05 April 2020

News Flash

अप्रिय घटना टाळण्यासाठी औरंगाबाद शहरात जमावबंदी लागू

हिंसाचाराचे लोण अन्यत्र पसरु नये यासाठी खबरदारीचा उपाय म्हणून औरंगाबाद शहरात जमावबंदी लागू करण्यात आली आहे. दरम्यान आता औरंगाबादमधील परिस्थिती नियंत्रणात आली आहे.

औरंगाबादच्या मोतीकारंजा भागात रात्रभर झालेल्या हिंसाचाराच्या पार्श्वभूमीवर पोलिसांनी शहरात जमावबंदी लागू केली आहे. एबीपी माझा वृत्तवाहिनीने हे वृत्त दिले आहे. हिंसाचाराचे लोण अन्यत्र पसरु नये यासाठी खबरदारीचा उपाय म्हणून औरंगाबाद शहरात जमावबंदी लागू करण्यात आली आहे.

दरम्यान आता औरंगाबादमधील परिस्थिती नियंत्रणात आली असून संवेदनशील भागांमध्य मोठया प्रमाणावर पोलीस बंदोबस्त ठेवण्यात आला आहे. पोलिसांची अतिरिक्त कुमकही औरंगाबादमध्ये पोहोचली आहे. पाणी भरण्याच्या क्षुल्लक कारणावरुन झालेल्या वादाने भीषण रुप धारण केल्याने हिंसाचार भडकला असे औरंगाबादचे महापौर नंदकुमार घोडेले यांनी सांगितले.

औरंगाबादचे खासदार आणि आमदारांनी स्वत: तणावग्रस्त भागात जाऊन नागरीकांना शांतता राखण्याचे आवाहन केले आहे. शुक्रवारी मध्यरात्रीनंतर मोतीकारंजा भागात जोरदार हिंसाचार झाला. हिंसक झालेल्या जमावाने दुकाने तसेच वाहनांची मोठया प्रमाणावर जाळपोळ केली.

तलवार, चाकू, लाठयाकाठयांसह सज्ज होऊन आलेल्या जमावाने तुफान दगडफेक केली. अनेक पोलिसही या दगडफेकी जखमी झाले आहेत. २५ ते ३० जण या हिंसाचारात जखमी झाले असून २५ दुकाने पेटवून देण्यात आली. परिस्थिती नियंत्रणात आणण्यासाठी पोलिसांना बळाचा वापर करावा लागला. मोतीकारंजा भागातील रस्त्यावर जळालेली वाहने दिसत असून अनेक ठिकाणी दगडांचा खच पडल्याचे दिसत होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 12, 2018 9:23 am

Web Title: violence in aurangabad 2
टॅग Aurangabad
Next Stories
1 पाणी भरण्याच्या क्षुल्लक वादातून औरंगाबादमध्ये रात्रभर हिंसाचार – महापौर
2 औरंगाबादला पोलीस आयुक्त कधी मिळणार?
3 औरंगाबादमध्ये रात्रभर हिंसाचार, वाहनांची जाळपोळ, दोघांचा मृत्यू
Just Now!
X