कोकण मराठी साहित्य परिषदेतर्फे देण्यात येणाऱ्या श्री. ना. पेंडसे कादंबरी पुरस्कारासाठी रवींद्र रुक्मिणी पंढरीनाथ यांची निवड करण्यात आली आहे. ‘कोमसाप’तर्फे राज्यस्तरावर घेण्यात आलेल्या कादंबरी स्पर्धेत ३७ स्पर्धक सहभागी झाले होते. ‘खेळघर’ या कादंबरीसाठी हा पुरस्कार जाहीर झाला असून १५ हजार रुपये रोख आणि सन्मानचिन्ह असे या पुरस्काराचे स्वरूप आहे.येत्या ७ ते ९ जानेवारी या कालावधीत दापोली येथे होणाऱ्या १४ व्या ‘कोमसाप’ साहित्य संमेलनात हा पुरस्कार मधु मंगेश कर्णिक यांच्या हस्ते प्रदान करण्यात येणार आहे.