युको बँकेच्या मीरा रोड शाखेचे व्यवस्थापक विलास नरसाळे (५७) यांनी बुधवारी रेल्वेखाली उडी मारून आत्महत्या केली. सकाळी साडेअकराच्या सुमारास ही घटना घडली.
ठाण्यात राहणारे नरसाळे सकाळी नेहमीप्रमाणे बँकेत आले होते. ११ वाजता ते बँकेतून बाहेर पडले आणि मीरा रोड स्थानकात गेले. फलाट क्रमांक १ वरून त्यांनी धावत्या ट्रेनखाली स्वत:ला झोकून देऊन आत्महत्या केली.
नरसाळे यांच्या  खिशात मीरा रोड ते चर्चगेट असे तिकीट सापडले आहे. त्यांच्यावर खात्यांतर्गत चौकशी सुरू असल्याने ते गेल्या काही दिवसांपासून तणावात होते.