मुंबई : शिवसेनेच्या यवतमाळ-वाशिम येथील खासदार भावना गवळी या सक्तवसुली संचालनालय (ईडी) करत असलेल्या चौकशीसाठी बुधवारी वैद्यकीय कारणामुळे अनुपस्थित राहिल्या. गवळी यांच्यावतीने वकिलांनी ईडी कार्यालयात येऊन १५ दिवसांची मुदत मागितली. गवळी यांना चिकुनगुनिया झाल्याचा अहवाल सादर करून आणखी १५ दिवसांचा कालावधी ईडीकडे मागितला. यापूर्वी गवळी यांना दोनवेळा ईडीने समन्स बजावले आहे. गवळी यांनी सईद खान व इतर साथीदारांच्या मदतीने महिला उत्कर्ष प्रतिष्ठान ही ट्रस्ट कंपनी कायदा कलम ८ च्या अंतर्गत कंपनीत रुपांतरीत केली. त्यात खोट्या कागदपत्रांचा वापर झाल्याचा ईडीला संशय आहे. ईडीच्या तपासानुसार याप्रकरणात बनावट स्वाक्षऱ्यांचा वापर झाला.
