भारतीय नौदलाची युद्धनौका आयएनएस रणवीरवर मुंबईत स्फोट झाला. या अपघातात नौदलाच्या तीन जवानांचा मृत्यू झाला असून अनेक जण जखमी झाल्याचे सांगण्यात येत आहे. या घटनेबाबत भारतीय नौदलाच्या अधिकाऱ्याने सांगितले की, “मंगळवारी नेव्हल डॉकयार्ड मुंबई येथे एक दुर्दैवी घटना घडली. आयएनएस रणवीरच्या अंतर्गत डब्यात झालेल्या स्फोटात नौदलाच्या ३ जवानांना प्राण गमवावे लागले. जहाजाच्या कर्मचाऱ्यांनी तातडीने परिस्थिती नियंत्रणात आणली.

आयएनएस रणवीर नोव्हेंबर २०२१ पासून पूर्व नौदल कमांडकडून क्रॉस कोस्ट ऑपरेशनल तैनातीवर होती आणि लवकरच बेस पोर्टवर परत येणार होती. अपघातानंतर या प्रकरणाची चौकशी करण्याचे आदेश बोर्ड ऑफ इन्क्वायरीला देण्यात आले आहेत. सूत्रांनी दिलेल्या माहितीनुसार, ११ जवानांवर स्थानिक नेव्ही हॉस्पिटलमध्ये उपचार सुरू आहेत.

ex intel director avtar saini dies in cycle accident
‘इंटेल’च्या माजी अधिकाऱ्याचा सायकल अपघातात मृत्यू ; नवी मुंबईतील पामबिच मार्गावरील दुर्घटना
chandrapur crime news, son killed mother, son killed mother with axe marathi news
चंद्रपूर : पोटच्या गोळ्यानेच आईला संपवले, कुऱ्हाडीने केली हत्या; वडील जखमी
Koyta gang in police trap
पुणे : ‘सीसीटीव्ही’ कॅमेऱ्यांमुळे कोयता गॅंग पोलिसांच्या जाळ्यात
Chandrapur, Murder Case, Friend Killed, Buried, dumping yard, five arrested,
चंद्रपूर : मित्राची हत्या करून मृतदेह कचऱ्याच्या डम्पिंग यार्डमध्ये पुरला, पाच मित्र पोलिसांच्या ताब्यात

आयएनएस रणवीर २८ ऑक्टोबर १९८६ रोजी भारतीय नौदलात दाखल झाले. हे ३१० नाविकांच्या टीमद्वारे चालवले जाते. हे शस्त्रे आणि सेन्सर्सने सुसज्ज आहे. त्यात पृष्ठभागावरून जमिनीवर मारा करणारी आणि जमिनीपासून हवेत मारा करणारी क्षेपणास्त्रे आहेत. याशिवाय यात क्षेपणास्त्रविरोधी तोफा आणि पाणबुडीविरोधी रॉकेट लाँचरही आहेत. यापूर्वी २३ ऑक्टोबर २०२१ रोजी भारतीय नौदलाच्या आयएनएस रणविजयमध्ये आग लागल्याची घटना घडली होती. या घटनेत चार जण जखमी झाले. आयएनएस रणवीरमध्ये झालेल्या स्फोटानंतर मृतांचा आकडा आणखी वाढण्याची भीती आहे.