scorecardresearch

Premium

पालिकेच्या रस्सीखेचीत चिटणीस घामाघूम

प्रस्ताव मंजूर करण्याच्या व त्याला विरोध करण्याच्या स्थायी समितीमधील राजकीय रस्सीखेचीत पालिकेतील प्रशासकीय अधिकाऱ्याची बुधवारी चांगलीच कोंडी झाली.

पालिकेच्या रस्सीखेचीत चिटणीस घामाघूम

प्रस्ताव मंजूर करण्याच्या व त्याला विरोध करण्याच्या स्थायी समितीमधील राजकीय रस्सीखेचीत पालिकेतील प्रशासकीय अधिकाऱ्याची बुधवारी चांगलीच कोंडी झाली. सत्ताधाऱ्यांनी बहुमताच्या आधारे मंजूर केलेल्या प्रस्तावाला चिटणीसांनी कायदेविषयक नियम सांगून विरोध का केला नाही, असे विचारत विरोधकांनी चिटणीसांच्याच कार्यालयात घुसून त्यांच्याकडून नियम सांगणारे पत्र लिहून घेतले, तर विरोधक बाहेर पडताच, पत्र लिहून दिल्याचा जाब विचारण्यासाठी साक्षात स्थायी समितीचे अध्यक्ष आल्याने चिटणीसांना दरदरून घाम फुटला.
शहरातील विविध उद्यानांची सुधारणा, उड्डाणपुलाखालील सुशोभीकरण तसेच रस्ता दुभाजकांची सुधारणा करण्यासंबंधीचा प्रस्ताव स्थायी समितीत बुधवारच्या बैठकीत मान्यतेसाठी आला. सुमारे ९० कोटी रुपयांचा हा प्रस्ताव स्थायी समिती सदस्यांकडे तीन दिवसांऐवजी केवळ एक दिवस आधी पाठवण्यात आला होता.
या प्रस्तावावर विचार करण्यासाठी आणखी अवधी आवश्यक असल्याने प्रस्ताव पुढच्या बैठकीत मांडण्याची विनंती मनसेचे गटनेते संदीप देशपांडे यांनी केली. हा प्रस्ताव केवळ एक दिवस आधी आल्याचे सांगून काँग्रेसचे नगरसेवक प्रवीण छेडा यांनी प्रस्तावातील अनेक कामांबाबत शंका उपस्थित केल्या. प्रस्तावासंबंधी तीन दिवस सूचना देण्यात आली नसल्याने सदस्यांनी विरोध केल्यास प्रस्ताव पुढे ढकलावा लागतो, हे महानगरपालिका चिटणीस नारायण पठाडे यांनी स्थायी समिती अध्यक्षांना सांगणे आवश्यक होते, असा मुद्दा उपस्थित केला.
 विरोधकांनी पठाडे यांना त्यांच्याच केबिनमध्ये घेराव घातला आणि ‘पालिकेच्या कार्यपद्धतीविषयक नियमांनुसार चर्चा सुरू करण्यापूर्वी सदस्यांनी विनंती केल्यास प्रस्ताव पुढील आठवडय़ापर्यंत तहकूब केला पाहिजे’ असे लिहून घेतले. विरोधक बाहेर आल्याबरोबर सत्ताधारी सेनेचे नगरसेवक केबिनमध्ये घुसले व त्यांनी चिटणीसांना चांगलाच दम भरला.

29 villages dispute in Vasai-Virar
वसई-विरारमधील २९ गावांचा वाद : गावे समाविष्ट करण्याच्या नव्या निर्णयाला नव्याने आव्हान द्या, विरोध करणाऱ्या याचिकाकर्त्यांना उच्च न्यायालयाची सूचना
bribe for Aryan Khan release
आर्यन खानच्या सुटकेसाठी लाच मागितल्याचा आरोप : समीर वानखडेंविरोधातील आर्थिक गैरव्यवहाराचे प्रकरण दिल्ली मुख्यालयाकडे वर्ग
bribe for the release of Aryan Khan
आर्यन खानच्या सुटकेसाठी लाच मागितल्याचे प्रकरण : ईडीने दाखल गुन्हा रद्द करण्याच्या मागणीसाठी समीर वानखडे उच्च न्यायालयात
Hearing in the case of Gyanvapi Masjid today
ज्ञानवापी मशीद प्रकरणी आजही सुनावणी

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Bmc officers thrashed in standing committee politics

First published on: 18-12-2014 at 04:08 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×