मुंबई : वांद्रे पश्चिम येथे रिक्षात बेशुद्ध अवस्थेत सापडलेल्या व्यक्तीच्या मृत्यूप्रकरणी पोलिसांनी हत्येचा गुन्हा दाखल केला आहे. या व्यक्तीची अद्याप ओळख पटलेली नाही. मारहाण व गळा दाबल्यामुळे या व्यक्तीचा मृत्यू झाल्याचा संशय असून पोलिसांनी याप्रकरणी हत्येचा गुन्हा दाखल केला आहे. हेही वाचा - शिवसेना फुटीनंतर आता राष्ट्रवादी काँग्रेसचा नंबर? भाजपा खासदाराचं सूचक वक्तव्य; म्हणाले, “लवकरच…” हेही वाचा - केईएम रुग्णालयातील डॉक्टरांनी महिलेला दिले जीवदान, मेंदूतील रक्तवाहिनीवर आलेला फुगा काढला, अवघ्या ४० हजारांमध्ये शस्त्रक्रिया वांद्रे तलाव येथील नवपाडा पुलाजवळ रिक्षामध्ये एक व्यक्ती बेशुद्धावस्थेत सापडली होती. तिला वांद्रे येथील भाभा रुग्णालयात नेण्यात आल्यानंतर डॉक्टरांनी मृत घोषित केले होते. याप्रकरणी वांद्रे पोलिसांनी अपमृत्यूची नोंद केली होती. मृत व्यक्तीची ओळख अद्याप पटलेली नाही. या व्यक्तीच्या डोळ्यावर, कपाळावर सूज होती. तसेच गळा दाबल्याच्या खुणाही होत्या. त्यामुळे पोलिसांनी याप्रकरणी भादंवि कलम ३०२ अंतर्गत हत्येचा गुन्हा दाखल केला आहे. वांद्रे पोलीस ठाण्यातील पोलीस हवालदार किशोर पाटील यांच्या तक्रारीवरून पोलिसांनी याप्रकरणी हत्येचा गुन्हा दाखल केल्याचे अधिकाऱ्याने सांगितले. मृत व्यक्तीची ओळख पटवण्याच्या दृष्टीने सध्या तपास सुरू असल्याचे अधिकाऱ्याने सांगितले.
