ठाणे महापालिकेच्या वतीने कौसा येथे करण्यात आलेल्या कारवाईत राष्ट्रवादी काँग्रेसपक्षाचे अनधिकृत पक्ष कार्यालय जमीनदोस्त करण्यात आले. बुधवारी दुपारी कडक पोलीस बंदोबस्तात ही कारवाई करण्यात आली.मुंबई उच्च न्यायालयाच्या आदेशानंतर महापालिकेच्या वतीने महापालिकाक्षेत्रांतर्गत येणाऱ्या अनधिकृत पक्ष कार्यालयांवर कारवाई करण्यात येत आहे. बुधवारी दुपारी करण्यात आलेल्या कारवाईत महापालिकेने कौसा येथील राष्ट्रवादी काँग्रेस पक्षाच्या अनधिकृत पक्षकार्यालयावर हातोडा फिरवला. या वेळी कडक पोलीस बंदोबस्त तैनात करण्यात आला होता. महापालिकेच्या अतिक्रमण विभागाचे उपायुक्त प्रकाश बोरसे, परिमंडळ १चे दीपक चव्हाण, मुंब्रा प्रभाग समितीचे साहाय्यक आयुक्त मंगल शिंदे, साहाय्यक पोलीस आयुक्त अमित काळे आणि वरिष्ठ पोलीस निरीक्षक सोण्डे उपस्थित होते.
