नागपूर : सोन्याची तस्करी करणाऱ्या एकाला दोन कोटींहून अधिक किमतीच्या सोन्यासह नागपूर रेल्वेस्थानकावर अटक करण्यात आली आहे. महसूल गुप्तचर संचालनालयाने (डीआरआय) केलेली ही कारवाई गुप्त ठेवण्यात आली. न्यायालयाने आरोपीची कारागृहात रवानगी केली.

या बातमीसह सर्व प्रीमियम कंटेंट वाचण्यासाठी साइन-इन करा

कोलकताहून आझाद हिंद एक्सप्रेसने एक व्यक्ती सोन्याची बिस्किटे घेऊन निघाल्याची गुप्त माहिती डीआरआयला मिळाली आहे. नागपूर स्थानकावर अधिकारी पाळत ठेवून होते. १७ जानेवारीला सायंकाळी ही रेल्वे नागपुरात येताच झडती घेण्यात आली. आरोपीच्या ताब्यातून २ कोटी ७ लाख २ हजार १४० रुपयांचे ३ किलो ३४१ ग्रॅम सोने जप्त करण्यात आले. त्याला न्यायालयात हजर करण्यात आले. आरोपीची कारागृहात रवानगी करण्यात आली. सीमाशुल्क वाचवण्यासाठी सोन्याची बिस्किटे बांग्लादेशहून खरेदी केली जातात. त्यानंतर तस्करमार्फत सीमा पार करून भारतात येतात. त्यानंतर कोलकाता मार्गे देशाच्या विविध राज्यातील सराफा व्यापाऱ्यांना सोन्याची बिस्किटे पोहचवली जातात.

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Connection of nagpur two crore gold smuggling with bangladesh and mumbai rbt 74 pbs
First published on: 24-01-2024 at 13:00 IST