अकोला : शहरातील रहिवासी मुलीला पाहुणे पाहायला येणार होते. घरात सर्व तयारी सुरू असताना मध्यरात्रीच्या सुमारास मुलगी घरातून अचानक बेपत्ता झाली. तिला कोणीतरी फूस लावून पळवून नेल्याचा आरोप पालकांनी केला असून खदान पोलीस ठाण्यात तक्रार दाखल केली आहे. पालकांनी खदान पोलीस ठाण्यात तक्रार दाखल केली. त्यानुसार, १७ वर्षीय मुलीला १४ डिसेंबर रोजी पाहुणे पाहायला येणार होते. हेही वाचा : वंदे भारत एक्स्प्रेसमधून असा होईल सुगंधित प्रवास, मध्य रेल्वेची नाविन्यपूर्ण योजना रात्री उशिरापर्यंत घरात सर्व तयारी सुरू असताना, मुलगी रात्री २ वाजताच्या सुमारास घराच्या मागील दरवाजातून बेपत्ता झाली. तिचा नातेवाईक, मैत्रिणींकडे शोध घेतला असता, ती आढळून आली नाही. तिला कोणीतरी अज्ञात व्यक्तीने फूस लावून पळवून नेले, असे नमूद आहे. या प्रकरणात खदान पोलिसांनी अज्ञात व्यक्तीविरुद्ध अपहरणाचा गुन्हा दाखल केला असून, मुलीचा शोध घेण्यात येत आहे.
