scorecardresearch

Premium

गडचिरोली : २ लाखांचे बक्षीस असलेल्या जहाल नक्षल्यास अटक

खून, चकमकी आणि जाळपोळीच्या गुन्ह्यांत सहभागी असलेल्या जहाल नक्षलवाद्यास गडचिरोली पोलिसांनी अटक केली आहे.

naxalite arrest latest news in marathi, naxalite carrying rupees 2 lakhs reward arrested
गडचिरोली : २ लाखांचे बक्षीस असलेल्या जहाल नक्षल्यास अटक (छायाचित्र – लोकसत्ता टीम)

गडचिरोली : खून, चकमकी आणि जाळपोळीच्या गुन्ह्यांत सहभागी असलेल्या जहाल नक्षलवाद्यास गडचिरोली पोलिसांनी अटक केली आहे. महेंद्र वेलादी(३२) असे अटक करण्यात आलेल्या नक्षल्याचे नाव असून अहेरी तालुक्यातील दामरंचा गावाजवळून त्याला ताब्यात घेण्यात आले. महेंद्र हा छत्तीसगड राज्यातील बिजापूर जिल्ह्यातील चेरपल्ली येथील रहिवासी असून, तो २००९ मध्ये नक्षल दलममध्ये सहभागी झाला. सुरुवातीला पुरवठा समिती आणि सध्या नॅशनल पार्क एरियामधील , त्यानंतर सँड्रा दलममध्ये कार्यरत होता. सध्या नक्षल्यांचा पीएलजीए सप्ताह सुरु असून, या सप्ताहात ते हिंसक कारवाया करतात. आज महेंद्र वेलादी हा दामरंचाजवळच्या इंद्रावती नदी परिसरात पोलिसांच्या हालचालींची माहिती देण्याच्या हेतूने फिरत असताना विशेष अभियान पथक आणि केंद्रीय राखीव दलाच्या ९ क्रमांकाच्या बटालियनच्या जवानांनी त्यास अटक केली. दामरंचा आणि मन्नेराजाराम या दोन्ही ठिकाणच्या पोलिस ठाण्यातील पोलिसांच्या हालचालींवर तो पाळत ठेवून होता, असे पोलिसांनी सांगितले.

हेही वाचा : सरकारने ओबीसीना दिलेल्या आश्वासनाची पूर्तता केलीच नाही; चिमूर क्रांतीभूमीतून गुरुवारपासून साखळी अन्नत्याग आंदोलन

combative attitude of Sikh community
चाहे हंजूगॅस बरसाओ, या गोळीया… शेतकरी आंदोलनात ‘जट्ट दा जुगाड’
pregnant woman in Miraj taluka
सांगली : अडलेल्या महिलेसाठी वाटही अडली
assets, Pune Municipal Corporation, auctions
महापालिकेने जप्त केलेल्या मिळकती विकत घेण्यास कोणीच येईना… जाणून घ्या का?
A dead body of a leopard was found in Sangli Rethere area
पंजा,नखे गायब झालेल्या बिबट्याचा मृतदेह आढळला

२०२३ मध्ये कापेवंचा-नैनेर जंगलात वनाधिकाऱ्यांवर हल्ला आणि जाळपोळीच्या घटनेत त्याचा प्रत्यक्ष सहभाग होता. २०२२ मध्ये टेकामेट्टा येथे झालेल्या चकमकीसह सँड्रा येथे २०२३ मध्ये झालेल्या एका नागरिकाच्या हत्येतही तो सहभागी होता. महाराष्ट्र शासनाने त्याच्यावर २ लाख रुपयांचे बक्षीस जाहीर केले होते, अशी माहिती पोलिसांनी दिली. जानेवारी २०२२ पासून आतापर्यंत पोलिसांनी ७२ नक्षल्यांना अटक केली आहे.
पोलीस अधीक्षक नीलोत्पल, अपर पोलीस अधीक्षक(अभियान) यतीश देशमुख, अपर पोलीस अधीक्षक (प्रशासन) कुमार चिंता, अपर पोलीस अधीक्षक एम.रमेश यांच्या मार्गदर्शनाखाली ही कारवाई करण्यात आली.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In gadchiroli naxalite carrying rupees 2 lakhs reward arrested by police ssp 89 css

First published on: 06-12-2023 at 19:24 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×