scorecardresearch

Premium

अकोला : खोट्या तक्रारींच्या माध्यमातून चक्क पोलिसांचीच दिशाभूल, नेमकं काय घडतंय…

खोट्या व बनावट तक्रारी करून फिर्यादी पोलिसांचीच दिशाभूल करीत असल्याचे धक्कादायक प्रकार अकोला जिल्ह्यात घडत आहेत. या प्रकारची तीन प्रकरणे आतापर्यंत स्थानिक गुन्हे शाखा पोलिसांनी उघडकीस आणली आहेत.

fake complaints Akola district
अकोला : खोट्या तक्रारींच्या माध्यमातून चक्क पोलिसांचीच दिशाभूल, नेमकं काय घडतंय… (प्रातिनिधिक छायाचित्र)

अकोला : खोट्या व बनावट तक्रारी करून फिर्यादी पोलिसांचीच दिशाभूल करीत असल्याचे धक्कादायक प्रकार अकोला जिल्ह्यात घडत आहेत. या प्रकारची तीन प्रकरणे आतापर्यंत स्थानिक गुन्हे शाखा पोलिसांनी उघडकीस आणली आहेत. अकोट फाइल पोलीस ठाण्याअंतर्गत जबरी चोरीचा बनाव रचल्याचे तपासात उघडकीस आले. या प्रकारामुळे पोलीसदेखील चक्रावले आहेत.

जिल्ह्यात मागील दोन महिन्यांपासून लुटमार, जबरी चोरीच्या बनावट व खोट्या तक्रारी विविध पोलीस ठाण्यात दाखल करण्याचे प्रमाण वाढले. स्थानिक गुन्हे शाखेच्या पथकाने कौशल्यपूर्वक तपास करून अशा बनावट प्रकरणांचा पर्दाफाश केला. लुटमार, जबरी चोरीचे बोरगांव, पिंजर, अकोट फाइल पोलीस ठाण्यांत दाखल तीन गुन्ह्यांतील फिर्यादींनी बनावटी व खोटे गुन्हे दाखल केल्याचे उघडकीस आणले आहे.

financial subsidy for inter caste marriage couple
आंतरजातीय विवाहासाठी प्रोत्साहनपर अनुदान मिळेना; जोडप्यांना तीन वर्षांपासून प्रतीक्षा
Attempt of self immolation Buldhana district
युवकांच्या ‘आत्मदहना’ने गाजला प्रजासत्ताकदिन! पोलिसांच्या सतर्कतेमुळे टळला अनर्थ!
two cars transporting ganja caught by solapur rural police
सोलापूरजवळ गांजा तस्करी पकडली; ३६ लाखांचा मुद्देमाल जप्त
Drugs case arrest Nashik
नाशिकमध्ये अमली पदार्थाची खरेदी, विक्री प्रकरणी पाच जण ताब्यात

हेही वाचा – यवतमाळ जिल्ह्यात पावसाने चिंता वाढवली; शेतशिवारात पाणी

अकोट फाइल पोलीस ठाण्यामध्ये २५ सप्टेंबरला वैद्यकीय अधिकारी असलेल्या महिलेने घराकडे जात असताना अज्ञात दोन आरोपीने सहा हजार रोख, सोन्याची आठ ग्रॅम चेन व मोबाइल असा एकूण २१ हजारांचा मुद्देमाल लुटून नेल्याची तक्रार दाखल केली. या प्रकरणी अकोट फाईल पोलिसांनी भादंवि कलम ३९२, ३४ प्रमाणे गुन्हा दाखल केला. रात्रीच्या वेळी जबरी चोरीची घटना घडल्याने या प्रकरणाचे गांभीर्य ओळखून पोलीस अधीक्षक संदिप घुगे यांनी स्थानिक गुन्हे शाखेचे पोलीस निरीक्षक शंकर शेळके यांना तपास पथकाद्वारे गुन्हा उघडकीस आणण्याच्या सूचना दिल्या. स्थानिक गुन्हे शाखेच्या पथकाने गुन्ह्याचा वेगवेगळ्या पातळीवर व तांत्रिक विश्लेषण करून तपास सुरू केला. घटनाक्रम संशयास्पद असल्याचे लक्षात आल्यावर तक्रारदार महिलेला विश्वासात घेऊन कौशल्यपूर्वक विचारपूस केली. त्यावर तक्रार महिलेने बनाव करून खोटा गुन्हा दाखल केल्याचे तपासात निष्पन्न झाले. गुन्ह्यातील सोन्याची चेन व रोख सहा हजार रुपयांचा मुद्देमाल फिर्यादीने समक्ष हजर केला आहे. ही कारवाई पोलीस अधीक्षक संदीप घुगे, अपर पोलीस अधीक्षक अभय डोंगरे यांच्या मार्गदर्शनाखाली पोलीस निरीक्षक शंकर शेळके, स.पो.नि. कैलास भगत, पो.उप.नि. गोपाल जाधव व पथकाने केली.

हेही वाचा – पती-पत्नीची दहा लाखांनी ऑनलाईन फसवणूक, सायबर गुन्हेगाराने दिले कॅनडात नोकरीचे आमिष

खोटी व बनावट तक्रार देऊन फिर्यादीने पोलिसांची दिशाभूल करू नये. हा गंभीर स्वरुपाचा गुन्हा आहे. या प्रकरणांमध्ये न्यायालयाच्या आदेशानुसार कठोर कारवाई करण्याची तरतूद आहे. – शंकर शेळके, पोलीस निरीक्षक, स्थानिक गुन्हे शाखा, अकोला.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Shocking cases of false and fake complaints are happening in akola district ppd 88 ssb

First published on: 27-09-2023 at 10:01 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×