05 June 2020

News Flash

नाशिकमध्ये पहिला करोनाबाधित रूग्ण

संपर्कातून त्याला विषाणुचा प्रादुर्भाव झाल्याचा अंदाज

संग्रहित छायाचित्र

निफाड तालुक्यातील लासलगाव येथील ३० वर्षीय युवकास करोनाची लागण झाल्याचे निष्पन्न झाले आहे. संबंधित युवक रजानगर भागातील बेकरीत काम करतो. परदेशवारीचा त्याचा इतिहास नाही. संपर्कातून त्याला विषाणुचा प्रादुर्भाव झाल्याचा अंदाज आहे. १२ मार्च रोजी त्याला खोकला, ताप अशी लक्षणे होती. खासगी डॉक्टरकडे तो गेला होता. १८ तारखेला निफाडला गेला. या काळात बरे न वाटल्याने ग्रामीण रूग्णालयात गेल्यानंतर त्याला नाशिकला पाठविण्यात आले. स्वतःच्या दुचाकीवरून तो जिल्हा रूग्णालयात दाखल झाला. त्याचा अहवाल सकारात्मक आल्यानंतर आरोग्य विभागाच्या २० पथकांनी लासलगाव, निफाडला धाव घेतली. त्याच्या कुटुंबातील आठ सदस्यांना शहरातील विलगीकरण कक्षात दाखल केले जाणार आहे. मागील १५ दिवसांत त्याच्या संपर्कात कोण आले, त्यांची छाननी सुरू करण्यात आली. नाशिकमध्ये आतापर्यत एकूण ७३ जणांचे नमुने तपासणीसाठी पाठविण्यात आले आहेत. त्यातील ७२ नमुने नकारात्मक तर एक नमुना सकारात्मक आल्याचे जिल्हाधिकारी सुरज मांढरे यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 30, 2020 1:10 am

Web Title: first corona patient in nashik abn 97
Next Stories
1 भरारी पथकाने ठाण मांडल्यानंतर घाऊक वितरकाकडून दरकपात
2 नाशिकमध्ये ‘स्वाईन फ्लू’ चे १२ रूग्ण
3 करोनामुळे नोटा छपाई १४ एप्रिलपर्यंत बंद ठेवा
Just Now!
X